Select Page

Kif naraw il-kelma Ragu l-ewwel ħaġa li tiġi f’moħħna hi l-kċina Taljana, pero’ tajjeb li nkunu nafu li din il-kelma ġejja mill-kelma Franċiża Ragout.

Sa mis-16-il seklu il-Franċiżi kienu jsajjru dan ir-ragout li llum insejħulu stuffat. Dejjem kien ikun fih xi tip ta’ laħam, imma kienu jservuh waħdu mingħajr għaġin. Lejn it-18-il seklu din l-ikla waslet l-Italja wkoll, x’aktarx fiż-żmien li Napuljun ħa ċerti reġjuni ta’ l-Italja f’idejh. U ħalli għat-Taljani, ma damux ma qassru l-isem u bdew isajjru dan ir-Ragu mal-għaġin!

Sors: https://www.insidetherustickitchen.com/

L-ewwel riċetta ta’ ”Ragu per maccheroni” li ġiet imsajra u miktuba fl-Italja kien sajjarha il-kok tal-kardinal ta’ Imola, Alberto Alvisi. Minn dak iż-żmien din l-ikla infirxet ġmielha u bdew isajjruha ħafna koki oħrajn ukoll. Però f’dawk iż-żminijiet in-nies li kienu fqar u ma kinux jistgħu jixtru laħam.

Għalhekk, fil-bidu kienet pjuttost ikla ta’ nhar ta’ Ħadd għal nies sinjuri biss. Illum kapaċi jgawdiha kulħadd 🙂

Ikkumenta

Enable Notifications    OK No thanks