Għandek bżonn – għal żewġ porzjonijiet:
Żewġ slajsis kbar ħobż
Żewġ imgħaref ġobon mozzarella maħkuk
6 slajsis ħoxnin tadam
6 slajsis ħoxnin faqqiegħ
4 slajsis ħoxnin brunġiel
4 slajsis bejken
Għall-froġa:
4 bajdiet
Żewġ imgħaref ħalib tal-bott
Żewġ imgħaref ġobon tal-għażla tiegħek, maħkuk
Niskata melħ u bżar
Niskata kari mild
Mgħarfa tursin frisk imqatta’
Metodu:
- Saħħan il forn.
- Iksi pjanċa tal-forn b’cartaforno.
- Poġġi il-ħobż fuq il cartaforno, ferrex mgħarfa mozzarella fuq kull slajs u daħħalhom fil-forn sħun għal 5 minuti.
- Oħroġhom mill-forn u warrab il-ħobż fuq platt.
- Issa rranġa l-islajsis tat-tadam, l-islajsis tal-faqqiegħ, l-islajsis tal-brunġiel u l-bejken fuq l-istess cartaforno.
- Sajjarhom f’forn sħun għal 5 minuti.
- Sadanittant lesti l-froġa billi tħallat l-ingredjenti kollha sew fi skutella. Aktar ma tħabbatha sew, aktar tiġik froġa ‘fluffy’.
- Aqli l-froġa miż-żewġ naħat f’taġen kbir non stick. (Jekk tixtieq tista’ ssaħħan mgħarfa butir fit-taġen qabel ma titfa’ t-taħlita tal-bajd.
- Kif il-froġa tkun lesta, neħħiha minn fuq in-nar.
- Poġġi l-ħobż fuq pjanċa jew cartaforno nadifa.
- Irranġa t-tadam, il-faqqiegħ u l-brunġiel fuq il-ħobż.
- Aqsam il-froġa bejn iż-żewġ slajsis ħobż.
- Poġġi l-biċċiet tal-bejken fil-wiċċ u erġa’ daħħalhom fil-forn għal 2 jew 3 minuti biex jerġa’ jisħon kollox.
L-ikla t-tajba!
Jekk għandek xi mistoqsijiet dwar din ir-riċetta u oħrajn, ibgħatilna fuq info@skoperta.net
Ikkumenta
Kontributriċi
