Għandek bżonn (għal żewg porzjonijiet):
4 kustilji tal-ħaruf
Għall-imarinar:
Żewġ sinniet tewm, imqatta’ irqaq ħafna
Mgħarfa sagħtar frisk, imqatta’
Mgħarfa ħabaq frisk, imqatta’
Mgħarfa tursin frisk, imqatta’
Tablespoon klin frisk, imqatta’
Mgħarfa żejt taż-żebbuġa
Kuċċarina melħ
Kuċċarina bżar
Metodu:
- Ħallat l-ingredjenti kollha tal-immarinar fi skutella.
- Irranġa l-ħaruf fuq dixx tal-ħami u għorok it-taħlita tal-immarinar kollha fuqhom.
- Għatti d-dixx sewwa bit-tinfoil.
- Poġġi fil-friġġ għal mill-inqas 30 minuta.
- Imbagħad aħmi ġo forn jaħraq għal siegħa. Neħħi t-tinfoil għall-aħħar 15-il minuta.
Kontorn bil ħaxix (għal żewġ porzjonijiet):
Żewġ slices ħoxnin mimn brungiela
Żewġ slices ħoxnin minn tadama kbira
Żewġ slices ħoxnin bżar aħdar jew tal-kulur
Basla ħadra maqsuma min-nofs
Biċċtejn minn karotta
Ftit ġobon maħkuk
Melħ skont il-gost tieghek
Metodu:
- Kuċċarina żejt taż-żebbuġa
- Saħħan il-forn għal 10 minuti.
- Iksi pjanċa tal forn b’kartaforno.
- Irranġa l-ħaxix kollu fuq il-kartaforno.
- Roxxhom bi ftit melħ u żejt taż-żebbuġa.
- Aħmihom f’forn sħun għal 10 minuti.
- Issa rranġahom fuq xulxin fuq żewġ platti u roxx ftit ġobon maħkuk fil-wiċċ.
Patata maxx fil-forn (għal żewġ porżjonijiet):
4 patatiet imqaxxra, maqtugħa cubes
Kuċċarina bżar
100ml ħalib
Mgħarfa butir
Bajda mħabbta
Ftit tursin frisk
Metodu:
- Għalli l-patata f’ilma bi ftit melħ.
- Kif issir sew, saffiha u erġa’ itfagħha fil-kazzola jew skutella.
- Żid il-butir u għaffiġha ftit. Żid il-ħalib u kompli għaffiġha sew.
- Issa żid il-bżar, il-bajda u t-tursin u ħallat kollox sewwa.
- Irranġa l-patata mash f’reċipjenti tal-forn u aħmiha għal madwar kwarta jew sakemm il-wiċċ jieħu ftit kulur.
Gravy bil basal:
Għandek bżonn: (biex ikollok bejn wieħed u ieħor xi 150ml gravy maqgħud):
Kuċċarina żejt taż-żebbuġa
Basla mqatta’ rqiqa
Dada taċ-ċanga mdewba f’300ml misħun biex tagħmel stokk
Kuċċarina garlic powder
Mgħarfa Worcestershire sauce
Żewġt imgħaref cornflour imdewbin ma 75ml ilma
*nota: Jekk ma tixtieqx li l-gravy ikun daqsekk magħqud tista żżid ftit aktar ilma skont il-gosti tiegħek.
Metodu:
- Ġo kazzola, saħħan iż-żejt u qalli l-basla sakemm tirtab u tibda tieħu kulur kannella.
- Itfa’ l-istokk taċ-ċanga, il-garlic powder u l-worcestershire sauce.
- Ħabbathom b’whisk tal-ħadid, u ħallihom fuq in-nar sakemm il-gravy ikun ħa jiftaħ jagħli (ħawwad spiss).
- Kif ikun qed jagħli żid it-taħlita tal-cornflour u ilma u erġa’ ħawwad sew bil-whisk biex ma jibqalekx biċċiet.
- Neħħi minn fuq in-nar u servi.
L-ikla t-tajba!
Jekk għandek xi mistoqsijiet dwar din ir-riċetta u oħrajn, ibgħatilna fuq info@skoperta.net
Kontributriċi
