PROtaGOniesTEA hija wirja tal-arti kkurata minn Mark Mallia u Etienne Farrell, li se tinfetaħ fil-21 t’Awwissu u tibqa’ sejra sal-11 ta’ Settembru. Se tittella’ fiċ-Ċentru għall-Volontarjat, fi Triq San Bartilmew, ir-Rabat u tinkludi varjetà ta’ dixxiplini artistiċi li jinkludu pitturi, skulturi, fotografija, poeżiji, arti diġitali u tpinġija.
Il-wirja qed tittella’ bil-parteċipazzjoni ta’ 14-il artist, uħud minnhom veterani, u oħrajn relattivament ġodda; Fabio Borg, Kevin Sciberras, Peter Seychell, Andrew Zarb, Sylvana Zarb, Sarah Vassallo Ciliberti, Keith Darmanin, Rosanna Ciliberti, Clint Scerri Harkins, Mark Mallia, Rebecca Ranieri, Mauro Pace Parascandolo, Etienne Farrell u Voodoo Venom.
Il-Fondazzjoni Richmond intagħżlet bħala l-organizzazzjoni volontarja li se tibbenefika minn din il-wirja. Id-dħul għall-wirja huwa mingħajr ħlas, u l-wirja se tkun miftuħa kuljum bejn is-19.00 u d-21.00 ta’ filgħaxija. Fil-ħdud, se tiftaħ ukoll filgħodu, bejn l-10.00 u s-13.00.
Għal aktar tagħrif, żuru l-paġna ta’ Facebook: PROtaGOniesTEA | Facebook
