Select Page

Għandek bżonn (għal 6 porzjonijiet):

Żewġ imgħaref żejt taż-żebbuġa, u ftit żejjed biex isservi

Żewġ kurrat sħaħ imqatta’ roti

Pastarda kbira, ta’ madwar 1kg, imqatta’ fi fjorituri

Kwart ta’ kuċċarina chili flakes, żid skont il-gosti tiegħek

Litru ilma

Żewġ kuċċarini melħ.

200g ġobon Parmesan maħkuk, flimkien ma’ ftit żejjed biex isservi

Madwar żewġ imgħaref tursin frisk imqatta’

Metodu:

  • Ferra ż-żejt ġo borma kbira.
  • Poġġi fuq nar medju u żid il-kurrat.
  • Għatti l-borma, baxxi n-nar u sajjar għal madwar 5 minuti, jew sakemm il-kurrat isir kemxejn tari mingħajr ma jieħu kulur.
  • Żid il-pastard fil-borma, flimkien maċ-chili flakes, l-ilma u l-melħ.
  • Ħalliha sakemm tibda ttektek, imbagħad għatti parzjalment u ħalliha ssir fuq nar baxx sakemm il-pastard ikun irtab sew, madwar 30 minuta.
  • Neħħi minn fuq in-nar u ħalliha tibred għal madwar 10 minuti..
  • Żid il-ġobon u poġġi s-soppa ġo blender jew uża blender l-idejn. Ibqa’ bblendja sakemm is-soppa ssir lixxa ħafna, qisa krema.
  • Qassam fil-platti u roxx il-wiċċ bi ftit tursin u ġobon.
  • Qabel isservi eżatt roxx ftit żejt taż-żebbuġa fuq kull porzjon.

L-ikla t-tajba!

Jekk għandek xi mistoqsijiet dwar din ir-riċetta u oħrajn, ibgħatilna fuq info@skoperta.net

Ikkumenta

Enable Notifications    OK No thanks