Għandek bżonn (għal 4 porzjonijiet):
350g patata, imqaxxra
100g laħam imħallat (majjal/ċanga) ikkapuljat
Basla ħadra, imqatta’ rqiqa ħafna
50ml nbid abjad
Bajda mħabbta
Żewġ kuċċarini dqiq plain
Mgħarfa żejt taż-żebbuġa
Melħ u bżar (skont il-preferenza tiegħek)
Biex tlesti għall-qali:
Bajda mħabbta
Erba’ mgħaref frak tal-ħobż
Żejt għal qali, preferibbilment tal-ġirasol
Għaz-zalza tal-Barceloneta aioli (zalza bajda):
50ml ħalib sħiħ
100ml żejt tal-ġirasol
Żewġ sinniet tewm midħuna
Meraq ta’ nofs lumija
Niskata melħ
Għaz-zalza brava Barceloneta (zalza ħamra):
15ml żejt taż-żebbuġa
Bejn 10ml u 25ml stokk tat-tiġieġ
3g paprika ħelwa
3g paprika taħraq
10g dqiq plain
Niskata melħ
Metodu:
Nibdew biz-zalza tal-aioli:
- Poġġi żewġ sinniet tewm u niskata melħ ġo tazza ta’ blender.
- Żid 50 ml ħalib u 100 ml żejt. Ħabbat fuq qawwa medja bil-blender sakemm ma tibqax tara ż-żejt.
- Imbagħad kompli ħawwad fil-blender, sakemm ikun kompletament emulsifikat.
- Żidlu l-meraq tal-lumi u poġġih fil-friġġ sakemm ikollok bżonn tużah.
Issa nagħmlu z-zalza brava:
- Ferra’ ż-żejt taż-żebbuġa ġo taġen u saħħan. Neħħih minn fuq in-nar qabel jagħli.
- Żid il-paprika ħelwa u l-paprika taħraq u ħawwad malajr sakemm ikollok pejst maħlul.
- Żid id-dqiq u l-melħ, u erġa’ ħawwad sew. Meta jkun kollox tħallat sew, żid l-istokk tat-tiġieġ ftit ftit waqt li tibqa’ tħawwad.
- Ieqaf żid stokk meta l-konsistenza tkun kif tixtieq (la maħlula wisq u lanqas magħquda wisq). Warbu u ħallih joqgħod għat-temperatura tal-kamra.
Ladarba jkollna z-zlazi lesti issa nistgħu nippreparaw il-bombi tal-patata:
- Nibdew billi npoġġu kazzola b’ħafna ilma fuq in-nar. Żid il-patata eżatt kif jibda jagħli.
- Ħalli l-patata l-ħin meħtieġ biex issir (madwar 25 minuta).
- Sakemm issir il-patata, saħħan iż-żejt taż-żebbuġa f’taġen.
- Żid il-kapuljat u l-basla, kif ukoll il-bżar u l-melħ. Ħawwad spiss biex ma jibqalekx bicciet, u sajjar sakemm il-kapuljat jibda jieħu kulur kannella.
- Żid l-inbid abjad u ħallih jevapora fuq nar medju (madwar 7 minuti).
- Kif l-inbid jevapora, neħħi minn fuq in-nar u warbu għal ftit.
- Kif il patata tkun saret, saffiha u poġġiha ġo skutella kbira. Għaffiġa sew b’furketta.
- Żid il- bajda u żewġ kuċċarini dqiq.
- Ħawwad sewwa, żid il-laħam u erġa’ ħawwad kollox flimkien sew.
- Issa b’idejk ifforma blalen bit-taħlita, u għaddihom mill-bajda mħabbta u l-frak tal-ħobż li tkun lestejt fuq żewġ platti differenti.
- Saħħan iż-żejt f’reċipjent fond, u kif jisħon sew imma ma jkunx għadu beda jbaqbaq, baxxi n-nar għal medju u niżżel il-bombas bil-mod u aqlihom sakemm tara li saru jqarmċu minn kull naħa. Il fjamma ħalliha dejjem fuq il medju, għax jekk tkun baxxa wisq il-bombas jixorbu ħafna żejt. U jekk tkun għolja wisq il-bombas jinħarqu minn barra qabel ma jsiru minn ġewwa.
- Tella’ l-bombas fuq karta tal-kċina biex jaqtgħu ftit miż-żejt.
- Irranġahom fuq platti u ferrex ftit miz zalza tal-aioli fil-wiċċ, u mbagħad ferrex ftit miz-zalza brava.
L-ikla t-tajba!
Jekk għandek xi mistoqsijiet dwar din ir-riċetta u oħrajn, ibgħatilna fuq info@skoperta.net
Kontributriċi
