Minn għada l-Ġimgħa l-5 ta’ Novembru, wirja bl-isem ta’ Onda se tkun miftuħa għall-pubbliku sat-12 ta’ Novembru.
Din il-wirja se tippreżenta 11-il biċċa xogħol tal-arti filigrana. B’kollaborazzjoni bejn l-artisti Karen Caruana u Kevin Attard, il-wirja se tkun qed tgħaqqad disinn kontemporanju ma’ xogħol klassiku tal-filigrana.
Il-biċċiet li se jintwerew fil-wirja mhumiex biċċiet tal-ġojjellerija li jintlibsu.
L-isem Onda ġej mill-“mewġ ta’ kreattività” li esperjenzaw iż-żewġ artisti li ħadmu mill-qrib biex jipproduċu dan ix-xogħol. B’din il-kollaborazzjoni huma setgħu jużaw il-kreattività ta’ xulxin biex joħolqu kunċett ġdid affaxxinanti u innovattiv għal teknika msejsa fit-tradizzjoni.
Il-wirja se tittella’ f’Desko, Studio 104 fi Triq Santa Luċija, il-Belt Valleta.
Ħinijiet tal-ftuħ:
Mit-Tlieta sal-Ġimgħa: 11:30 sas-2 ta’ waranofsinhar u mill-4 ta’ waranofsinhar sas-7 ta’ filgħaxija.
Sibtijiet: Minn nofsinhar sal-4 ta’ waranofsinhar.
