Select Page

Għal darb’oħra, Bryan Adams kellu jħassar il-pjanijiet tiegħu hekk kif il-mużiċist reġa’ rriżulta pożittiv għall-virus għat-tieni darba f’xahar.

Ir-rocker, li huwa wkoll fotografu, qasam fuq Instagram li kien irriżulta pożittiv wara li wasal fl-ajruport ta’ Milan Malpensa. Indika wkoll li kien se jmur l-isptar filwaqt li rringrazzja lil kulħadd tas-sapport.

F’Ottubru, Adams kellu jikkanċella prestazzjoni fiċ-ċerimonja ta’ induzzjoni tar-Rock and Roll Hall of Fame wara li rriżulta pożittiv. Dak iż-żmien ir-rappreżentant tiegħu qal li Adams kien imlaqqam kompletament u m’għandu l-ebda sintomi.

Tabib li tkellem li ġie mistoqsi dwar il-kundizzjoni ta’ Bryan Adams fil-preżent ma riedx jispekula fuq il-każ, madankollu qal li jista’ jkun li l-virus baqa’ fih u li rriżulta pożittiv għax qatt ma verament ħeles mill-virus fis-sistema tiegħu.

Adams mar l-Italja għall-avvenimenti promozzjonali għall-kalendarju 2022 ta’ Pirelli, li ġibed ir-ritratti għalih hu.

Il-kalendarju jinkludi ritratti ta’ diversi stilel inklużi Cher, Iggy Pop, Jennifer Hudson u Normani.

Ikkumenta

Enable Notifications    OK No thanks