Kok ġie kkundannat għal 4 xhur ħabs wara li sheperd’s pie li kien sajjar wasslet għall-mewt ta’ mara ta’ 92 sena u 31 morda.

Skont rapporti, l-ikla ġiet servuta lill-kongregazzjoni tal-Knisja tat-Trinità Qaddisa f’Hinton-in-the-Hedges, raħal fil-kontea Ingliża ta’ Northamptonshire, fil-Crewe Arms, pub lokali, fl-2018.

John Croucher, ta’ 40 sena, li dak iż-żmien kien head chef ammetta fil-qorti li kien mgħaġġel hu u jipprepara l-ikla.

Skont l-imħallef li ppresediet il-kawża, il-laħam fix-sheperd’s pie ma kienx imsajjar biżżejjed, tħalla lejl fil-friġġ u mbagħad reġa’ kien imsajjar l-għada.

Dan ikkawża biex il-mara ta’ 92 sena, li qabel ma kielet mix-sheperd’s ġie kienet tajba u b’saħħitha, mietet minn emorraġija gastrointestinali. Il-31 parruċċani l-oħrajn sofrew minn avvelenament mill-ikel. Tliet persuni biss li attendew l-ikla ma marrux, minħabba li kienu veġetarjani u ma kilux mix-sheperd’s pie.

Croucher, li ilu jaħdem fl-industrija tal-ikel għal aktar minn 20 sena, ġie mixli li kiser ir-regolament tal-ikel u ġie kkundannat 4 xhur ħabs u ngħata sospensjoni ta’ 12-il xahar.

Fi stqarrija, huwa qal li minħabba dak l-inċident orribbli, issa huwa kok aħjar.

Ikkumenta

Enable Notifications OK No thanks