Il-grupp mużikali Il Divo ħabbar il-mewt tal-kantant Carlos Marin fuq Twitter.
It is with heavy hearts that we are letting you know that our friend and partner, Carlos Marin, has passed away. He will be missed by his friends, family and fans. There wiIl never be another voice or spirit like Carlos. pic.twitter.com/uyRFjXADF6
— Il Divo (@ildivoofficial) December 19, 2021
Carlos Marin miet fl-età ta’ 53 sena. Huwa ddaħħal b’urġenza l-isptar f’Manchester fl-aħħar jiem u kien maħsub li jinsab fit-taqsima tal-kura intensiva, għalkemm il-kawża tal-mewt tiegħu għadha ma ġietx ikkomfermata iżda ġie rrappurtat li kien pożittiv għall-Covid-19.
Il-grupp kien diġà ppospona l-kumplament tad-dati tat-tours tagħhom bit-tama li Marin jirkupra.
Il Divo ġie ffurmat minn Simon Cowell fl-2003 u kiseb tliet albums li kklassifikaw fl-ewwel post fir-Renju Unit.
Simon esprima d-dieqa tiegħu għall-mewt tal-kantant permezz ta’ post fuq Twitter. Huwa qal li qed isibha diffiċli biex isib kliem li jesprimu kif qed iħossu. Żied jgħid li Carlos Marin ħabb il-ħajja u dejjem apprezza l-ammiraturi li ssapportjaw il-grupp mill-bidu.
I am finding this so difficult to put into words how I feel right now. I am devastated Carlos Marin has passed away. He loved life. He loved performing and always had so much appreciation towards the fans who supported the group from day 1. Rest in peace Carlos. I will miss you.
— Simon Cowell (@SimonCowell) December 20, 2021
Minbarra l-grupp Il Divo, Carlos Marin ħa sehem f’numru ta’ musicals fosthom Les Miserables, Grease u Beauty and the Beast.
