Titħabbar il-mewt tal-Professur Albert Fenech, wieħed mill-aqwa kardjologi ta’ Malta u eks membru parlamentari Nazzjonalista, fl-età ta’ 70 sena.
Il-Professur instab mejjet ġewwa d-dar tiegħu u hu maħsub li miet b’kawża naturali.
Huwa qatta’ aktar minn 20 sena barra minn xtutna u serva bħala deputat parlamentari Nazzjonalista bejn l-2013 u l-2016.
Fenech waqqaf id-dipartiment tal-kardjoloġija fi ħdan il-kura tas-saħħa pubblika lokali fl-1995 flimkien mal-kardjologu Alex Manche u għamel l-ewwel operazzjoni fl-isptar Mater Dei, anġjogramma, fl-2007.
Il-ħidma tiegħu fl-isptar Mater Dei bħala kardjologu damet għaddejja sal-2015.
Il-Kap tal-Partit Nazzjonalista Bernard Grech sellem il-memorja tal-Professur Albert Fenech u esprima l-apprezzament tiegħu għal dak kollu li għamel fil-karriera personali u dik politika. Żied jgħid li l-Professur kien pilastru tal-professjoni medika f’pajjiżna.
Id-Deputat Prim Ministru u Ministru tas-Saħħa Chris Fearne qal li l-Professur ikkontribwixxa ħafna għall-avvanz tal-kura medika f’Malta, u li n-nuqqas tiegħu se jinħass ħafna mill-ħbieb u mill-pazjenti.
A colleague and a gentleman. Contributed greatly to the advancement of medical care in Malta. Will be sorely missed by friends and patients alike! RIP Albert https://t.co/pavPP5MgIZ
— Chris Fearne (@chrisfearne) December 28, 2021
