Sibtek jirritorna b’aktar personalitajiet! Antonella Vassallo, Quinton Scerri, Clifford Galea u Johann Grech huma l-mistednin ta’ Ryan u Josmar waqt l-edizzjoni li jmiss ta’ Sibtek li jixxandar nhar is-Sibt fuq TVM, mill-12:15 ‘l quddiem.
Antonella Vassallo se tiltaqa’ ma’ raġel li mdorrija tiekol minn taħt idejh u waqt Sibtek se jagħmel platt jaħraq u speċjalment għaliha.
Quinton Scerri se jġedded il-memorji tat-tieġ tiegħu waqt Sibtek! Imma kif?! X’se jagħmlulu?!
Il-Kummissarju tal-films Johann Grech se nsiru nafuh mill-aspett iktar personali din id-darba.
Clifford Galea se jkollu blind date u din il-blind date tinkludi katnazz imsakkar! Imma ma min?!
Il-mistednin ta’ Ryan u Josmar se jgħaddu minn bosta sfidi divertenti u sorpriżi li żgur ħadd mhu se jistenna. Ma tonqosx il-mużika lajv flimkien ma’ Christian Arding.
Jekk tħobb issegwi Sibtek, dan hu programm ieħor li ma tistax titlef!
