Select Page

Illejla Abner Aquilina, żgħażugħ ta’ 20 sena, tressaq il-Qorti fuq akkużi ta’ stupru u qtil ta’ Paulina Dembska.

Huwa u dieħel il-Qorti għamel mossa oxxena fejn deher joħroġ subgħajh tan-nofs.

Aquilina wieġeb li mhuwiex ħati iżda ma ntalab l-ebda ħelsien mill-arrest. Madankollu ġie mitlub biex l-akkużat jinżamm fl-isptar Monte Karmeli u mhux jintbagħat il-ħabs.

B’reazzjoni għal dan, il-Qorti saħqet li l-akkużat għandu jiġi eżaminat mill-aktar fis possibbli, biex b’hekk id-direttur tal-ħabs ikun jista’ jiddeċiedi fejn għandu jinżamm.

F’konferenza tal-aħbarijiet li saret aktar kmieni, il-pulizija qalet li għadha trid tistabilixxi jekk l-istupru seħħx qabel jew wara li l-vittma ġiet maqtula.

Ikkumenta

Enable Notifications    OK No thanks