Riċetta: Klamari mimlija stil Venezjan

Ingredjenti (għal żewġ klamari mdaqqsa):

Żewġ klamari sħaħ imnaddfa

Bott (400g) tadam imqatta’, jew cherry tomatoes imqaxxrin

200g Frott tal-baħar imħallat (mingħajr qoxra, frisk jew imdewweb jekk iffriżat)

Bajda

4 imgħaref Breadcrumbs

Żewġ imgħaref Tursin imqatta’ frisk

4 imgħaref mozzarella maħkuka

Żewġ imgħaref Parmiggiano maħkuk frisk

Kuċċarina chilli flakes

Żewġ imgħaref Inbid abjad

Żewġ sinniet tat-tewm, imqattgħin

4 imgħaref żejt taż-żebbuġa

Ftit weraq tal-ħabaq frisk

Melħ, għat-togħma

Metodu:

Poġġi daqs għoli ta’ pulzier ilma f’taġen fond u poġġi fuq nar baxx, ħallih itektek u meta jisħon poġġi il-klamari sħaħ fl-ilma. Sajjarhom għal madwar 10 minuti fuq kull naħa. Neħħihom mill-ilma u ħallihom jiksħu.
Neħħi l-ilma mit-taġen u erġa’ poġġih fuq nar medju.
Żid żewġ imgħaref żejt u it-tewm. Ħallih isir sakemm it-tewm jismar ftit.
Neħħi t-tewm mit-taġen, u żid il-frott tal-baħar flimkien ma’ niskata melħ.
Ħallih isir għal madwar 10 minuti.
Neħħi minn fuq in-nar u ħallih jibred.
Fi skutella, żid il-frott tal-baħar imberred, il-bajda, il-frak tal-ħobż, it-tursin, il-parmiggiano, il-mozzarella, u t-tadam.
Ħallat kollox sew flimkien u imla l-kalamari bil-mili.
Agħlaqhom sew bi ftit toothpicks.
F’taġen fond kbir, żid iż-żewġ imgħaref żejt taż-żebbuġa li fadal u ħallih jisħon fuq nar medju.
Żid il-klamari u aqlihom min-naħat kollha għal madwar 10 minuti sakemm ikunu ħadu kulur dehbi
Issa baxxi n-nar u żid l-inbid, ħallih itektek għal żewġ minuti.
Żid iċ-chilli flakes u ftit weraq tal-ħabaq u ħallih jagħli.
Naqqas in-nar għal baxx, għatti parzjalment it-taġen b’għatu u ħallih itektek għal madwar kwarta.
Servi ma’ kontorni tal-għażla tiegħek.