Ingredjenti (għal 4 porzjonijiet):
Bott (400ml) ħalib tal-ġewz tal-indi
Mazz żgħir kosbor frisk
6 sinniet tewm kbir
Biċċa żgħira ġinġer frisk, imqatta’ f’erba’ biċċiet
Żewġ chilli mill-aħdar
Żewġt imgħaref żejt veġetali
8 koxox jew drumsticks tat-tiġieġ bla ġilda
Basla waħda medja, imqatta’ rqiqa
Tliet imsiemer tal-qronfol
Kwart ta’ stikka tal-kannella
Żewġ kuċċarini trab tal-kemmun
Żewġ kuċċarini trab tal-kosbor
Żewġ kuċċarini garam masala
Kuċċarina pejst tat-tamarind, jew nofs kuċċarina zokkor ismar imħallat ma’ nofs kuċċarina ħall
Metodu:
- Ħawwad flimkien il-ħalib tal-ġewż tal-indi u l-kosbor il-frisk (weraq u zkuk) f’mixer ta’ l-ikel. Imbagħad neħħihom minn ġol magna u warrabhom.
- Imsaħ malajr il-magna u żid it-tewm, il-ġinġer u l-bżar, imbagħad ħawwadhom flimkien billi żżid ilma ftit ftit, biżżejjed biex tagħmel pejst.
- Saħħan iż-żejt ġo taġen kbir li ma jwaħħalx.
- Aqli l-biċċiet tat-tiġieġ sew għal 5 minuti minn kull naħa sakemm jieħdu kulur dehebi. Imbagħad neħħihom mit-taġen u warrabhom f’post sħun.
- Fl-istess taġen żid il-basla, il-qronfol u l-kannella u aqli sakemm jieħdu kulur ħafif.
- Żid il-pejst taċ-chilli fit-taġen, imbagħad sajjar sakemm il-biċċa l-kbira tal-likwidu jkun evapora.
- Issa erġa’ poġġi t-tiġieġ fit-taġen.
- Żid il-ħwawar tat-trab, jigifieri l-kemmun, il-kosbor, u l-garam masala.
- Żid ukoll il-pejst tal-ħalib u l-kosbor. Ħawwad kollox sew.
- Ħallih sakemm jibda jagħli. Baxxi n-nar u għatti t-taġen, u ħallih itektek għal 40 minuta.
- Neħħi l-għatu f’nofs it-tisjir sabiex iz-zalza tkun tista’ tagħqad ftit.
- Wara 40 minuta iċċekkja li t-tiġieġ ikun imsajjar sew.
- Żid il-pejst tat-tamarind, ħawwad, u ħallih itektek għal żewġ minuti.
- Servi ma’ ħobż tat-tip Naan jew ma’ ross.
L-ikla t-tajba!
Jekk għandek xi mistoqsijiet dwar din ir-riċetta u oħrajn, ibagħtilna fuq info@skoperta.net
Ikkumenta
Kontributriċi
