Select Page

Il-Hula Hooper Maltija Clare Brincat li tgħix Londra għadha kif kisret rekord dinji.

Clare irnexxielha tnaqqax isimha fil-Guinness Book of Records għall-‘Most Hoops Spun Simultaneously Whilst On Rollerskates‘.

Hija kisret dan ir-rekord wara li kellha 80 ċrieki tqal imdawrin ma’ ġisimha, waqt li fl-istess ħin kienet qiegħda fuq ir-rollerskates.

Clare għandha snin ta’ taħriġ u tagħmel parti minn Marawa’s Majorettes, grupp ta’ hula hoopers ibbażat f’Londra u li għandu rekords dinji. Hija ħadet sehem ukoll f’ħafna avvenimenti u proġetti fosthom Glastonbury, Love Magazine u n-National Theatre’s River Stage.

Lil Clare rajniha wkoll tikkompeti f’Malta’s Got Talent.

Ikkumenta

Enable Notifications    OK No thanks