Cristiano Ronaldo u s-sieħba tiegħu, Georgina Rodriguez ħabbru isem binthom u qasmu ritratti ġodda, wara li tilfu traġikament lit-tewmi tagħha.
Bella Esmeralda twieldet fit-18 ta’ April, wara li l-koppja ħabbret l-aħbar traġika tal-mewt ta’ binhom. Ronaldo u s-sieħba tiegħu kienu qed jistennew tewmin iżda sfortunatament tilfu wieħed mit-tewmin. Madanakollu, binthom għexet u aktar tard setgħet tmur id-dar u tingħaqad mal-bqija tal-familja tagħhom.
Aktar kmieni dan ix-xahar, l-istilla ta’ Manchester United qasam fuq Instagram, ritratt tiegħu jgeddes miegħu lil bintu. Ir-ritratt iswed u abjad juri lil Ronaldo bla flokk bilqiegħda fuq sufan mat-tarbija tiegħu, bid-deskrizzjoni tal-post li tella’ tgħid “Forever Love…” flimkien ma’ qalb u emoji ta’ talb.
Aktar kmieni wkoll, hekk kif it-tarbija setgħet tmur lura d-dar mal-familja tagħha, Ronaldo qasam ritratt tagħha mal-familja kollha Meta ppubblika r-ritratt, huwa rringrazzja lill-ammiraturi u s-segwaċi tiegħu tas-sapport li tawhom permezz ta’ messaġġi u ġesti.
