Ir-residenti mitluba jżommu t-twieqi magħluqa hekk kif nar qawwi jaħkem f’Wied Għomor

Bħalissa għaddejja ħidma mill-ħaddiema tal-protezzjoni ċivili wara li nar qawwi ħafna ħakem f’Wied Għomor f’San Ġiljan għall-ħabta tas-2 ta’ wara nofsinhar.

Daħna qawwija affettwat il-lokalitajiet tal-madwar fosthom is-Swieqi u San Ġwann b’bosta residenti rrappurtaw li niżel irmied fil-btieħi u l-bjut tagħhom.

Fuq il-post issejjaħ tim mediku mill-isptar Mater Dei kif ukoll mid-Direttorat għall-Ħarsien tal-Annimali minħabba li xi annimali, fosthom żwiemel li jgħixu f’razzett fil-wied, belgħu ammont kbir ta’ duħħan.

Kawża ta’ daħna kbira li ħakmet l-akwati, diversi toroq ingħalqu fosthom Triq l-Ibraġ, wara li n-nar infirex f’diversi partijiet tal-wied.

Is-sewwieqa huma mitluba jevitaw Triq l-Ibraġ, l-Ibraġ, minħabba li t-triq tinsab temporanjament magħluqa minħabba n-nirien.

Il-Pulizija qed titlob ukoll biex ir-residenti tal-akwarju jżommu t-twieqi ta’ djarhom magħluqa.