Select Page

Ingredjenti (għal 4 porzjonijiet):

4 bżar ikkuluriti

Basla, tewm u żejt taż-żebbuġa

150g buckwheat jew barley jew ross

Tazza cherry tomatoes

Tazza tadam imqadded

Nofs tazza kappar

Tazza żebbuġ imqatta’

Karotta imqatta’

Ħwawar friski bħal mint u thyme

Nofs tazza żerriegħa tal-qara ħamra mixwija

Nofs tazza sunflower seeds mixwija

Għall-wiċċ:

Kuċċarina extra virgin olive oil

Nofs tazza lemon juice

Nofs kuċċarina apple cider vinegar

Qoxra tal-larinġ

Metodu:

  • Qalli l-basla u t-tewm fiż-żejt taż-żebbuġa sakemm jiġi ħamrani.
  • Itfa’ c-cherry tomatoes u tadam imqadded u ħawwad.
  • Żid il buckwheat jew barley u itfa’ l-ilma skont kemm ikun hemm bżonn (eżempju tazza ilma għal tazza barley) u kompli ħawwad.
  • Itfa’ l-ħwawar u ħallih sakemm l-ilma jinxef.
  • Itfa’ ż-żebbuġ u l-kappar
  • F’taġen itfa’ ż-żerriegħa sakemm jibdew ifuħu, imbagħad itfagħhom mat-taħlita.
  • Naddaf il-bżar ikkuluriti u aqta’ l-biċċa ta’ fuq tal-bżar (tista’ titfagħhom fil-ġenb u tużahom biex tgħatti il-bżar wara li timlihom).
  • Imla l-bżar ikkuluriti bit-taħlita u itfagħhom fil-forn, għal mhux aktar minn 30 minuta.
  • Ipprepara skutella u itfa’ l-qoxra tal-larinġ, iż-żejt taż-żebbuġa u apple cider vinegar, ħawwad sew u servih fuq il-bżar wara li toħorġu mill-forn.
  • Servih bil-ħxejjex li tippreferi u bil-patata l-forn jew kif tippreferiha.

L-ikla t-tajba!

Ikkumenta

Enable Notifications    OK No thanks