Ftit sigħat qabel għeluq it-63 sena tiegħu, permezz ta’ filmat fuq il-paġna ta’ Facebook tiegħu, Hector Bruno għamel appell dwar Karmenu Fino, l-anzjan ta’ 83 sena li ġie nieqes minn San Vinċenz de Paul fit-28 ta’ Ġunju.
Hector appella lis-segwaċi tiegħu biex kull min għandu xi kamra mwarrba jew xi għalqa diżabitata, li mhux kulħadd jista’ jidħol fiha, imur jiċċekkja spiss il-post biex jekk Karmenu jkun daħal hemm, jinstab.
Huwa qal li l-familja u l-pulizija ma jistgħux jaqbdu u jidħlu fi proprjetà privata, għaldaqstant qed jagħmel dan l-appell bit-tama li l-anzjani jinstab.
Posted by Hector Bruno on Tuesday, July 5, 2022
Kull min għandu xi informazzjoni dwar Karmenu Fino, huwa ġentilment mitlub jagħmel kuntatt mal-Pulizija permezz ta’ messenger, jew iċempel, anke b’mod anonimu, fuq in-numri tal-Kwartieri Ġenerali tal-Pulizija 21 224001 / 119 jew fl-eqreb Għassa tal-Pulizija.
Filwaqt li ningħaqdu ma’ Hector fl-appell tiegħu, f’isem it-tim ta’ skoperta.net, nawguraw lil Hector f’jum għeluq sninu.
Awguri Hector!
