Ilbieraħ filgħaxija, waqt is-seduta parlamentari, il-Ministru tas-Saħħa Chris Fearne ħabbar li fil-ġranet li ġejjin, lejn tmiem ta’ dan ix-xahar, se tkun qed titnieda helpline ġdida, imħarsa minn professjonisti fis-servizz ta’ saħħa mentali pubblika.

Din il-linja se tkun miftuħa 24 siegħa kuljum, 7 t’ijiem fil-ġimgħa, fejn persuni li jkunu qed iħossuhom b’ansjetà jew b’dipressjoni, jistgħu jċemplu u jsibu l-għajnuna.

Il-Ministru żied jgħid ukoll li fejn ikun hemm bżonn, il-professjonisti joqogħdu fuq il-linja mal-individwu, sakemm jibagħtulu lil xi ħadd ħalli jgħinuh.

Dr Chris Fearne sostna li din il-helpline se tkun qed titnieda “biex kemm jista’ jkun innaqqsu dawn it-traġedji, għax kull każ ta’ suwiċidju huwa traġedja.”

Ikkumenta

Enable Notifications OK No thanks