Cruise liner bl-isem ta’ Majestic Princess, li kien qed iġorr madwar 800 passiġġier pożittiv għall-Covid-19 wasal f’Sydney, l-Awstralja.

Il-vapur, li telaq minn New Zealand, kien qed iġorr madwar 4,600 passiġġier u membru ekwipaġġ, jiġifieri madwar wieħed minn kull ħamsa kellu l-Covid.

Il-president tal-operatur tal-cruise Carnival Australia Marguerite Fitzgerald, qalet li għadd kbir ta’ każijiet bdew jiġu skoperti f’nofs il-vjaġġ ta’ 12-il jum. Il-każijiet kollha kienu bla sintomi jew ftit sintomi.

Din it-tifqigħa seħħet hekk kif il-każijiet tal-Covid fl-Awstralja qed jiżdiedu.

Fi New South Wales, instabu 19,800 każ ġdid f’sebat ijiem sal-Ġimgħa.

Ikkumenta

Enable Notifications OK No thanks