F’konferenza tal-aħbarijiet tħabbar li l-ġimgħa d-dieħla, il-Gvern se jkun qed iressaq emendi fil-liġi li jippermettu t-tobba jtemmu t-tqala f’każijiet li l-ħajja tal-omm tkun fil-periklu.

Preżentament, il-liġi tgħid li kull tabib, kirurgu jew spiżjar li jkun wera jew ta mezzi li jkunu kkaġunaw l-abort, jintbagħat il-ħabs u jista’ wkoll jitlef il-liċenzja medika, ladarba jinqabad. Din il-liġi ma fiha l-ebda eċċezzjoni fl-ebda ċirkostanza, tgħodd ukoll għall-mara li tkun għamlet l-abort.

Il-Ministru tas-Saħħa Chris Fearne enfasizza li l-emendi li se jkunu qed jitressqu, japplikaw biss f’sitwazzjonijiet fejn is-saħħa u l-ħajja tal-omm fl-ewwel xhur tat-tqala jkollha kumplikazzjonijiet serji li jistgħu jwasslu li titlef ħajjitha.

Filwaqt li l-liġijiet se jibqgħu l-istess f’sitwazzjonijiet differenti mill-imsemmija, b’dawn l-emendi mhux se jibqa’ reat jekk professjonist mediku jsalva l-ħajja tal-omm f’każ ta’ periklu.

Ikkumenta

Enable Notifications OK No thanks