Daniel Spiteri huwa r-raġel li tilef ħajtu dalgħodu f’sit ta’ kostruzzjoni l-Marsa.

L-inċident seħħ fi Triq Belt il-Ħażna għall-ħabta tad-9.10am, meta Daniel waqa’ għoli ta’ madwar sular u nofs.

Huwa kien qed jagħmel xi xogħol fuq saqaf ta’ maħżen f’sit ta’ kostruzzjoni

Fuq il-post issejjaħ tim mediku iżda sfortunatament ġie ċċertifikat mejjet ftit tal-ħin wara.

Fuq Facebook, ibnu Nathaniel kiteb;

Pa għalfejn ħallejtn waħedna. Kont raġel li dejjem ħdimt għall-familja. Strieħ fi sliem. Sakemm nerġgħu niltaqgħu. Inħobbok pa.

Filwaqt li nfetħet inkjesta maġisterjali, l-investigazzjonijiet tal-pulizija huma għaddejjin.

Daniel Spiteri kellu biss 47 sena.

Ikkumenta

Enable Notifications OK No thanks