Ħerba sħiħa fit-toroq ta’ Brussell wara r-riżultat mhux mistenni hekk kif il-Marokk għeleb lill-Belġju b’riżultat ta’ 2-0 fil-partita tat-Tazza tad-Dinja.

Ir-riżultat ifisser li l-Belġju x’aktarx ikollu bżonn rebħa fuq il-Kroazja fl-aħħar partita tal-grupp tagħhom biex jikkwalifika għall-fażi li jmiss.

Filmati li qed jiċċirkolaw fuq il-midja soċjali juru diversi partitarji jqabbdu n-nar u jwaddbu l-ġebel fuq vetturi.

Mhuwiex eżattament ċar kif jew min beda l-ġlied iżda filmat imtella’ minn ġurnalist tal-BBC li kien fuq il-post juri grupp ta’ partitarji żgħażagħ tal-Marokk ikissru karozza u scooters.

Il-pulizija kellhom saħansitra jagħlqu partijiet minn Brussell u jisparaw il-gass tad-dmugħ biex jippruvaw iwaqqfu l-irvell li qam.

Huwa mifhum li t-tensjoni fit-toroq bdiet minn qabel ma bdiet il-partita.

Ikkumenta

Enable Notifications OK No thanks