Diversi fotografi li jinsabu fiż-żoni milquta qed jippubblikaw diversi ritratti li juru s-sitwazzjoni devastanti li jinsabu fiha bħalissa t-Turkija u s-Sirja wara t-terremot qawwi ta’ nhar it-Tnejn li għadda.
Uħud mir-ritratti juru wkoll in-nies, li kollha kemm huma għandhom storja, kollha kemm huma qed jiffaċċjaw konsegwenzi xejn sbieħ li ġab miegħu t-terremot.
F’għajnejhom wieħed jista’ jara n-niket għal dak li tilfu, it-tbatija li għaddejjin minnha u l-biża’ għal dak li għad jista’ jiġri.
Fost ir-ritratti ta’ qsim il-qalb li qed jiġu ppubblikati hemm dawk meħuda mill-fotografu Adem Altan, ippubblikati mis-CNN, li juru missier, fil-belt Torka ta’ Kahramanmaras, iżomm id bintu ta’ 15-il sena li nqatlet fit-terremot, maqbuda taħt it-tifrik.
Ikkumenta
