Ċertament, ir-ritratti u l-filmati tar-realtà li qed jgħixu fiha l-vittmi li ġew affettwati mit-terremot fatali li laqat lit-Turkija u s-Sirja nhar it-Tnejn li għadda qed iħallu impatt fuq kull wieħed u waħda minna, fuq diversi aspetti.
Filwaqt li hu importanti li tkun sensittiv għal dak li ħaddieħor għaddej minnu, u anki tirrifletti ftit, tajjeb ukoll li ma tiqafx s’hemm, iżda tara x’tista’ tagħmel biex tagħti l-għajnuna tiegħek int ukoll, kif tista’ u kemm tista’
Id-Dipartiment tal-Protezzjoni Ċivili qed jilqa’ lista ta’ oġġetti li wieħed jista’ jagħti lil eluf ta’ persuni li raqdu u qamu vittmi ta’ diżastru naturali fatali.
Eluf ta’ nies sfaw bla dar u mingħajr l-affarijiet personali u bażiċi tagħhom, f’kesħa tremenda. Għaldaqstant, ħajjithom qed tiddependi mill-għajnuna umanitarja internazzjonali.
Wieħed huwa mitlub li jieħu l-oġġetti l-istazzjon tat-tifi tan-nar f’Ħal Far, mid-9 ta’ filgħodu sal-5 ta’ wara nofsinhar kuljum.
Din hija l-lista ta’ oġġetti:
Ħwejjeġ ġodda jew f’kundizzjoni tajba għall-adulti u tfal:
- Kowtijiet
- Raincoats
- Bwiez
- Flokkijiet ħoxnin
- Qliezet
- Ingwanti
- Xalpi
- Kalzetti
- Ħwejjeġ ta’ taħt
Għotjiet oħra:
- Tined
- Sodod
- Saqqijiet tat-Tined
- Sleeping bags
- Heaters (mingħajr fjuwil jew gass)
- Torch
- Batteriji jew Power Banks
- Generators
Ikel u affarijiet sanitarii:
- Bottijiet u pakketti tal-ikel
- Ikel u bottijiet tat-trabi
- Ħrieqi
- Prodotti iġjeniċi
- Prodotti iġjeniċi tan-nisa
