“Tlifna lil ommi 3 ġimgħat qabel ma kienet se tagħlaq 100 sena”

“Tlifna lil ommi 3 ġimgħat qabel ma kienet se tagħlaq 100 sena”

by | 10/Nov/22 | Ġrajjiet, Kurrenti

Michael Vella Haber, il-kittieb ta’ diversi serje Maltin, ħabbar it-telfa ta’ ommu.

Huwa stqarr li ommu, Carmen Vella Haber, kienet se tagħlaq 100 sena 3 ġimgħat.

Qal li issa missieru Kelinu qed jistennieha biex jgħannaqha miegħu.

Huwa temm billi rringrazzja l-istaff ta’ Mater Dei.

Imut Karmenu Mifsud Bonnici

Imut Karmenu Mifsud Bonnici

by | 05/Nov/22 | Ġrajjiet, Kurrenti

Dalgħodu tħabbret il-mewt ta’ Karmenu Mifsud Bonnici.

Huwa kien Prim Ministru ta’ Malta bejn l-1984 u l-1987.

In-neputija tiegħu Paula Mifsud Bonnici sellmet liz-ziju tagħha.

“Strieħ fi sliem Ziju Karm. Inti kont ziju mill-aqwa għalina lkoll. Se nħossu s-sens umoristiku tiegħek, il-ġentilezza tiegħek u l-umiltà tiegħek. Inti miet fil-paċi mdawar mill-familja tiegħek. Se nħobbuk għal dejjem.”

Huwa miet fl-età ta’ 89 sena.

BIL-FILMAT: “Il-Parkinson’s ma tħallinix norqod fejn il-mara tiegħi” – Mario

BIL-FILMAT: “Il-Parkinson’s ma tħallinix norqod fejn il-mara tiegħi” – Mario

by | 04/Nov/22 | Ġrajjiet, Kurrenti, Saħħa, Stejjer Umani

Doris u Mario, koppja li malli tarahom juruk l-imħabba li għandhom lejn xulxin.

Mario jgħix bil-Parkinson’s. Filli kien jagħmel kollox id-dar u issa ma għadux jista’. Madankollu Doris tappoġġjah. Fejn qabel kien jikteb, issa tgħinu jikteb. Fejn qabel kien jitkellem, tgħinu meta jiġi biex titkellem.

Qalb Doris ingħafset meta ġie l-mument li ma jibqgħux jorqdu flimkien. Minħabba l-Parkison’s Mario jitqalleb u jagħti matul illejl u beża’ li jweġġagħha. Għalhekk illum jorqdu f’kmamar separati. Madankollu filgħaxija tiġi tgħattih.

Illum Mario u Doris imorru Step Up for Parkinson’s fejn b’dawn l-moviment jgħinu lil Mario fit-tbatijiet li ġġib magħha l-Parkinson’s fuq il-ġisem.

Il-ħolma ta’ Mario u Doris hi li jinfetaħ ċentru attrazzat għall-persuni li jgħixu bil-Parkinson’s biex jingħaw il-kura li għandhom bżonn.

Inti din il-ħolma tista’ tagħmilha realtà billi ċċempel għada waqt il-maratona li se tittella’ minn 12:00pm sa 12:00 fuq One TV, Net TV u F Living.

X’inhi din ta’ Mad-Daqqa Niżfnu? U x’se jiġri fil-5 ta’ Novembru?

X’inhi din ta’ Mad-Daqqa Niżfnu? U x’se jiġri fil-5 ta’ Novembru?

by | 24/Oct/22 | Konf Taf?

Fil-ġimgħat li għaddew diversi personalitajiet dehru fuq il-paġna ta’ Xarabank jgħidu, “Mad-Daqqa Niżfnu, nhar is-Sibt 5 ta’ Novembru”.

Fost dawn il-personalitajiet kien hemm Danita Camilleri, Ben Camille, Destiny, Ludwig Galea, Lawrence Grey, Fabrizio Faniello, fost ħafna personalitajiet oħra.

Però spikkaw ukoll 3 filmati, ta’ Mark Laurence u Amber, ta’ Danusan, u ta’ Ġorġ tad-Donuts u Tiziana, li kollha kemm huma spiċċaw bil-frażi, Mad-Daqqa Niżfnu.

Dawn il-filmati qanqlu ħafna kurżità. Kien min saħansitra li ħaseb li se jittella’ programm ġdid bl-isem ta’ Mad-Daqqa Niżfnu.

Illum Xarabank żvela x’se jiġri dakinhar. B’filmat, lejn l-aħħar tiegħu Peppi Azzopardi jiżvela l-ħsieb wara l-islogan Mad-Daqqa Niżfnu. Il-Parkinson’s hija daqqa, u niżfnu għaliex waħda mit-terapiji li jieħdu n-nies li jgħixu bil-Parkinson’shuwa ż-żfin. Għalhekk fil-5 ta’ Novembru se tittella’ maratona, fuq l-istazzjonijiet kollha, bejn nofsinhar u nofsillejl, b’risq Step Up for Parkinson’s, bil-għan li bil-flus li jinġabru, jinfetaħ ċentru li jkun one stop shop, biex fih nies li jgħixu bil-parkinson’s jingħataw servizzi meħtieġa għal min jgħix b’din il-kundizzjoni.

“Mulej sabbar lil ħija” – Gino Lombardi

“Mulej sabbar lil ħija” – Gino Lombardi

by | 23/Oct/22 | Ġrajjiet, Kurrenti, L-Aħħar Aħbar

Marie Claire Lombardi, mara ta’ 45 sena, tilfet ħajjitha f’inċident tat-traffiku lbieraħ fir-Rabat.

Hija sofriet ġrieħi serji mal-impatt li kellha meta taret minn fuq il-mutur.

Bost sellmu l-memorja tagħha, fosthom Gino Lombardi, li kiteb hekk:

Kif kellek tħallina Marie Claire, illum qomna biex niffaċċjaw ir-realta’ li inti m’għadekx magħna. Għaddejt lejl nipprova nemmen li din hija biss ħolma kerha. Kulħadd iħobbok għax it-tbissima ta’ wiċċek kienet timla l-post li tidħol fih bil-ferħ.

Nitlob lill-Mulej isabbar lill għażiż ħija, li ħadd daqsu ma jista’ jħoss in-nuqqas tiegħek. Issa gawdi ‘l Alla li tant kont tħobb.

Enable Notifications OK No thanks