Wieħed mill-isbaħ mumenti f’Sibtek tal-lum kienet bla dubju ta’ xejn is-sorpriża ta’ Keith Demicoli.
It-tim ta’ Sibtek flimkien ma’ ħu Keith, Fabian għamlu l-bijografija ta’ Keith permezz ta’ filmat li emozzjonah mhux ftit.
Fil-filmat, Fabian semma fost oħrajn kemm kienet diffiċli għal Keith li tilef lil missieru f’età daqshekk żgħira, u kif minkejja dan, ħa r-responsabilità li jkun il-figura ta’ missier għalih.
Semma wkoll uħud mill-isbaħ mumenti fil-ħajja ta’ Keith fosthom meta qara l-aħbarijiet għall-ewwel darba u t-twelid tat-tifla tiegħu Rianne.
Ma setax jonqos milli jsemmi pilastru fil-ħajja ta’ Keith, il-mara tiegħu Alexia, li dejjem tissapportjah f’kull ma jagħmel.
Ċertament li lkoll naqblu, li kif qal ħuh Fabian, matul il-karriera tiegħu, Keith sar maħbub mill-Maltin u l-Għawdxin kollha, u possibilment waħda mir-raġunijiet hija li minkejja s-suċċessi kbar tiegħu baqa’ dejjem umli.
Aġenzija Sapport tmexxi ċ-Ċentru Sonia Tanti Taqsima Ħajja Indipendenti (STILC) f’Ħal Far.
L-għan prinċipali ta’ dan iċ-ċentru hu li joffri diversi servizzi mmirati sabiex iżidu l-indipendenza ta’ persuni b’diżabilità u għalhekk l-inklużjoni tagħhom fis-soċjetà.
STILC jipprovdi servizz ta’ informazzjoni, gwida u assessjar minn tim ta’ professjonisti li jinkludu Occupational Therapists u Fiżjoterapisti fost oħrajn. Dawn jassessjaw u jiggwidaw lil persuni b’diżabilità u lill-familjari tagħhom sabiex jgħixu ħajja indipendenti fil-komunità permezz ta’ teknoloġija assistiva li tgħin fil-mobilità, apparat assistiv u/jew taħriġ.
Is-servizz jinkludi assessjar għal:
Siġġu tar-roti skont il-bżonnijiet tal-persuna.
Seating assessment.
Assessjar ta’ sewqan permezz ta’ Driver Test Station, apparat li jevalwa l-abilità fiżika ta’ persuna biex issuq vettura.
Rakkomandazzjonijiet għal modifikazzjonijiet fil-vetturi ta’ persuni li jkollhom bżonn jadattaw il-vetturi tagħhom skont id-diżabilità li jkollhom.
Il-persuni b’diżabilità jistgħu jibbenefikaw ukoll minn lezzjonijiet tas-sewqan bl-użu ta’ karozza modifikata. Persuna tista’ titlob dan is-servizz jew tiġi referuta mit-tabib, Occupational Therapist jew Fiżjoterapista. Wieħed jista’ wkoll jirreferi lilu nnfisu għal dawn is-servizzi, jiġifieri jagħmel kuntatt dirett hu mal-Aġenzija.
L-assessjar għal siġġu tar-roti jsir minn tim ta’ terapisti li huma speċjalizzati f’dan is-settur, inkluż esperti barranin biex b’hekk persuni b’diżabilità jkollhom iċ-ċans li jiltaqgħu magħhom f’Malta minflok isiefru għal dan l-assessjar, jekk jiddeċiedu li jużaw dan is-servizz.
Fiċ-ċentru STILC hemm ukoll għażla ta’ siġġijiet tar-roti sabiex wieħed ikun jista’ jipprova mudelli differenti u jara l-bżonn partikolari tiegħu qabel ma jordna.
Seating assessments isiru wkoll billi l-professjonisti jużaw riżorsi speċjalizzati u tagħmir ieħor fosthom għażla ta’ mħaded speċjalizzati li wieħed jista’ jipprova skont il-bżonn. Is-servizz dejjem huwa wieħed personalizzat u għalhekk isir assessjar mit-terapisti sabiex dak li jiġi rakkomandat ikun dak li l-klijent jixtieq u li għandu verament bżonn.
Dawn is-servizzi jistgħu jintużaw minn tfal u adulti b’diżabilità kif ukoll minn dawk li żviluppaw diżabilità minħabba inċident jew mard kroniku u għalhekk ma jkollhomx diżabilità sa mit-twelid.
Sabiex iżżid l-aċċessibilità u jkun aktar possibbli li persuna b’diżabilità tkun tista’ tixtri dawn ir-riżorsi, Aġenzija Sapport tikkumplimenta dan is-servizz permezz ta’ diversi skemi li joffru sussidju u għajnuna finanzjarja. Persuni b’diżabilità u/jew familjari tagħhom ikunu referuti lejn l-Empowerment Scheme li tmexxi l-istess Aġenzija, għal sussidju fuq xiri ta’ apparat assistiv. Dawk li jkollhom vettura modifikata, jistgħu japplikaw ukoll għal sussidju jew eżenzjoni mil-liċenzja tat-triq u mit-taxxa fuq ir-reġistrazzjoni tal-vettura. Il-professjonisti fi ħdan STILC ikunu jistgħu jiggwidaw lill-klijenti fuq kif wieħed jista’ japplika u jaċċessa dawn is-sussidji.
Għal aktar informazzjoni jew kopja tal-applikazzjoni għal dan is-servizz, wieħed hu mitlub iċempel fuq il-Helpline tal-Aġenzija Freephone 153 (u jagħfas in-numru 5), iżur is-sit elettroniku www.sapport.gov.mt jew iċempel fuq 22568000 (Malta) jew 2156 9909 (Għawdex)
Il-personalitajiet Ivan Gaffiero u Therese Ann Cachia, il-kantawtur u artist Frank O’Neill, il-kantanti Pierre Zammit, u Tiziana Calleja, se jkunu fost il-mistednin ewlenin fil-programm tal-lejla ta’ The Entertainers, il-varjetà televiżiva tas-Sibt filgħaxija, li jixxandar fuq Net TV kull nhar ta’ Sibt fit-20.30.
Bi preżentazzjoni ta’ Victorio Gauci, din il-ġimgħa The Entertainers iwasslilkom sagħtejn u nofs ta’ spettaklu b’divertiment garantit flimkien mal-band residenti mmexxija minn Mark Spiteri Lucas u bosta artisti mistiedna. Fuq kollox ir-rebħ ta’ rigali kbar u mill-isbaħ.
Minn dan l-istaġun The Entertainers qed jiċċelebra memorji minn deċenji li għaddew u li llum huma biss tifkiriet. F’dan il-programm imiss is-snin sittin u s-snin sebgħin.
Minbarra l-mużika, l-ingredjenti ewlenin wara s-suċċess tal-programm, ikompli l-logħob bejn il-mistednin li żgur għandhom iqanqlu tbissima fuq fomm it-telespettaturi.
Din il-ġimgħa wkoll jingħata bidu għall-ewwel fażi tas-seba’ edizzjoni ta’ The Entertainers Singing Challenege.
Attrazzjonijiet oħra jinkludu l-Cocktail Bar ma’ James Aquilina, Fashion Time b’pariri siewja dwar il-moda femminili minn Josette Sciberras.
Ir-Reġina ta’ 95 sena ddaħlet għal lejl l-isptar privat King Edward VII fiċ-ċentru ta’ Londra,
Buckingham Palace ikkonferma li l-Erbgħa li għadda, wara li kkanċellat iż-żjara fl-Irlanda ta’ fuq, ir-Reġina qattgħet lejl l-isptar għal xi testijiet, u rritornat lura l-kastell ta’ Windsor ilbieraħ waranofsinhar.
Minkejja li ma ngħatawx wisq dettalji, huwa mifhum li l-kundizzjoni tagħha u t-testijiet li saru mhumiex relatati mal-Covid-19
It-Tlieta filgħaxija, ir-Reġina attendiet għal attività fil-kastell ta’ Windsor, fejn dehret flimkien mal-Prinċep Charles, il-Prinċep William u l-Prim Ministru Boris Johnson.
Dan kien l-ewwel lejl li r-Reġina għamlet l-isptar mill-2013, meta sofriet sintomi ta’ gastroenterite.
King Edward VII huwa star privat li jintuża mill-familja Rjali, inkluż mir-raġel tar-Reġina, il-mibki Duka ta’ Edinburgu, li rċieva l-kura hemmhekk aktar kmieni din is-sena.
Is-sena d-dieħla, ir-Reġina se tkun qed tiċċelebra s-70 sena tagħha fuq it-tron, u għalkemm qed tkompli twettaq l-impenji tagħha, hija tat aktar responsabilitajiet lill-Prinċep Charles.
Riesaq il-weekend u allura jfisser li erġajna wasalna għal Sibtek ieħor!
S’issa rajna li kull programm qed ikun ftit jew wisq differenti minn ta’ qablu, b’logħob ġdid u divertenti, u diversi sorpriżi li ma rajniex fl-istaġuni ta’ qabel.
F’Sibtek li jmiss se jkun hemm sorpriżi differenti li żgur li ħadd mhu se jistenna, speċjalment il-mistednin!
Il-mistednin tal-programm li jmiss se jkunu Lara Azzopardi, Keith Demicoli, Claire Agius Ordway u Mario Cassar.
Din id-darba dawn se jkollhom diversi sfidi li se jkollhom jagħmlu lajv waqt il-programm. Xi ħadd minnhom se jiltaqa’ mat-tfajla li kellu fil-passat u ġejja waqt Sibtek biex tgħidlu dak li qatt ma qaltlu qabel.
Gidba jew Verità hija logħba ġdida waqt Sibtek li jmiss, fejn int tista’ wkoll tipparteċipa mid-dar stess!
Smajna wkoll li l-blind date ta’ dan is-Sibt se tkun tajba wisq!
Sibtek, il-programm divertenti b’sorpriżi kbar li jagħmel kumpanija lill-familja kollha għaliex din is-sena waqt Sibtek tistenna minn kollox!
Bħal dejjem, il-koppja favorita tagħna Ryan u Josmar iżommulna kumpanija assoluta mill-12:15 ‘l quddiem fuq TVM.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
