Select Page
Magħżula l-aħħar 6 kontestanti għal-Live Shows ta’ X Factor Malta

Magħżula l-aħħar 6 kontestanti għal-Live Shows ta’ X Factor Malta

Ilbieraħ f’X Factor Malta, intgħażlu l-aħħar 6 kontestanti mill-Judges’ Houses.

Mill-kategorija tas-subien li kienet f’idejn Howard Keith Debono, ġew magħżula Ryan Hili, Aidan Drakard u Kevin Paul, filwaqt li mill-kategorija tal-gruppi, Philippa Naudi għażlet lil Ceci & Kriss, Soul Tide u Beyond.

Dawn il-kontestanti se jkunu qed jikkompetu flimkien mas-6 finalisti l-oħra fil-fażi li jmiss, dik tal-Live Shows, li se jixxandru fis-16, it-23 u t-30 ta’ Jannar, u s-semifinali fis-6 ta’ Frar li ġej.

Nhar il-Ħadd li ġej se jixxandar programm speċjali li se jlaqqa’ lill-pubbliku aktar mill-qrib mat-12-il finalist ta’ din l-edizzjoni, fid-20:50 fuq TVM.

Filmat: Happy New Year – Kanzunetta oriġinali mill-artista Chellcy Reitsma

Filmat: Happy New Year – Kanzunetta oriġinali mill-artista Chellcy Reitsma

L-artista Chellcy Reitsma għadha kemm nidiet kanzunetta oriġinali tagħha bl-isem ta’ Happy New Year, flimkien ma’ vidjow mużikali.

Din il-kanzunetta hija metafora għall-ħajja u l-mewt, li tirrappreżenta l-aħħar persuna li ħalliet il-party.

Il-kanzunetta emozzjonali hija miktuba minn Chellcy Reitsma, komposta minn Alan Degabriele, bi produzzjoni u kompożizzjonijiet oħra ta’ Mat Leppanen ta’ The Animal Farm Music UK, u reġistrazzjonijiet vokali minn Peter Borg ta’ Railway Studios MT.

“Ktibt din il-kanzunetta fl-ewwel anniversarju mill-mewt tal-kuġin tiegħi. Miet lejlet il-Milied f’inċident ta’ mutur, intlaqat u tkaxkar minn trakk f’Kalifornja. Trabbejna flimkien u konna ġirien għal xi snin. Huwa kien biss ftit snin akbar minni u l-mewt tiegħu tassew affettwatni. Imbagħad ħsibt fuq il-ħafna familjari u ħbieb tiegħi kollha li mietu u ħassejt li stajt nispiċċa, eventwalment, inkun l-aħħar wahda li baqa’ f’din il festa li nsejħulha ħajja. Il-kanzunetta hija l-mod tiegħi kif nipproċessa dan kollu u naghti ġieħ lil dawk li marru qabli.” tgħid Chellcy Reitsma

Il-vidjow mużikali ta’ Happy New Year ġie ffilmjat u dirett minn Edouard Tabone Demarco ta’ Pyramid Pictures Co. Malta.

Chellcy Reitsma hija ġdida fix-xena mużikali iżda mhux fil-palk. Fil-fatt, Chellcy hija eks żeffiena korjografa, oriġinarjament minn Kalifornja, l-Istati Uniti. Hija bdiet il-vjaġġ mużikali tagħha fl-2015 wara li numru kbir ta’ injuries taż-żfin ġiegħluha ssib passjoni ġdida. Mill-ewwel tnedija tal-kanzunetta tagħha Blue, fl-2016, issa hija wkoll kantawtriċi, artista viżiva u poeta.

Hija nidiet 11-il kanzunetta, EP b’4 diski, 9 vidjows mużikali u aktar tard 5 vidjows ta’ poeżija, waqt li żviluppat l-istil ta’ fużjoni unika tagħha stess u l-vuċi distintiva li hija immedjatament rikonoxxibbli bħala Chellcy.

Bħala artista viżiva hija ggradwat mill-Iskola tal-Istitut tal-Arti ta’ Chicago f’Chicago, Illinois fl-2004 u minn dak iż-żmien kellha bosta wirjiet. Fl-2020, il-proġett tagħha ‘Desolate Days’ laħaq l-aqwa 20 Music Video Charts f’Malta, u għaqqad kemm il-mużika kif ukoll il-prattiċi tal-arti viżiva tagħha fl-ewwel stop motion animazzjoni lyric video tagħha mfassla bil-faħam u l-arti diġitali.

‘Desolate Days’ jagħmel parti mill-programm InnovAiR: Artist at Home għall-Aġenzija Kulturali tal-Belt Valletta. “

Dan l-aħħar ipproduċiet ukoll 4 diski ma’ The Animal Farm f’Londra u s’issa ħarġet 3 minnhom. The Belly Dance Swing inħarġet b’filmat ta’ lirika u filmati tal-Belly Dancing ta’ Chellcy mill-karriera passata tagħha bħala żeffiena. Every Time hija single dwar l-imħabba mhux reċiprokata, u issa, Happy New Year.

Fi Frar li ġej mistennija tniedi r-raba’ kanzunetta tagħha.

Jitħabbru t-22 semifinalista tal-Malta Eurovision Song Contest 2022

Jitħabbru t-22 semifinalista tal-Malta Eurovision Song Contest 2022

Imħabbra t-22 semifinalista tal-Malta Eurovision Song Contest 2022, li se jkun qed jirritorna wara waqfa.

Mit-22 kanzunetta li se jkunu qed jipparteċipaw fis-semifinali, se jgħaddu biss 16 għas-serata finali, fejn ir-riżultat se jiġi ddeterminat minn ġurija esperta u l-vot tal-pubbliku.

Il-kanzunetta rebbieħa se tkun qed tirrapreżenta lill-pajjiżna fil-Eurovision Song Contest ta’ Mejju li ġej f’Turin, l-Italja.

Dawn huma t-22 kanzunetta semifinalista f’ordni alfabetika:

KanzunettaKantant/aAwturKompożitur
A lover’s heartNicole HammettJoe Julian FarrugiaCyprian Cassar
AphrodisiacJessica GrechGerard James BorgPhilip Vella
ARMYJanice MangionEmily Calleja BaylissCypriot Cassar/Mark Scicluna
BOYDenise MerciecaAidan CassarAidan Cassar
Come AroundMatt BLXCKMatt BLXCKMatt BLXCK/Davis Grech
Electric IndigoBaklava Ft NicoleGerard James Borg Philip Vella
HeavenSarah BonniciAidan CassarAidan Cassar
Hey LittleRichard MicallefRichard Micallef Richard Micallef
How special you are Narbert Bondin Shaun Farrugia/Norbert Bondin/Peter BorgShaun Farrugia/Norbert Bondin/Peter Borg
IIDerrick Schembri Emil Calleja BaylissCyprian Cassar
Into The FireNicole Azzopardi Peter Boström/Nektarios Tyrakis/Marika LindėPeter Boström/Per Jonssom/Marika Lindė/Dimitri Stassos
Kaleidoscope Jessica MuscatGerard James BorgPhilip Vella
Look what you’ve done nowMiriana ConteMatthew MerciecaCyprian Cassar
Out Of SightEmma MuscatAntonio Caputo/Emma Muscat/Gabriel Rossi/Lorenzi Santarelli/Marco SalvaderiAntonio Caputo/Emma Muscat/Gabriel Rossi/Lorentz Santarelli/Marco Salvaderi
Over YouRaquel Galdes BriffaAidan CassarAidan Cassar
RevelaciónJade VellaAidan CassarAidan Cassar
RiseFrancesca Sciberras Etienne Micallef Mark Scicluna
RitmuAidan CassarAidan CassarAidan Cassar
SerenityMark Anthony BartoloMark Anthony BartoloMark Anthony Bartolo
ShameEnya MagriJody MagriCyprian Cassar
We Came For LoveMalcolm PisaniMatthew MerciecaGaspare Incatasciato
White DovesRachel LowellEmily Calleja BaylissYlva Persson
Filmat: Chalet: Għar id-Dud – Drama ġdida fuq it-TV mid-29 ta’ Diċembru

Filmat: Chalet: Għar id-Dud – Drama ġdida fuq it-TV mid-29 ta’ Diċembru

B’kitba ta’ Simone Spiteri, produzzjoni ta’ Sharpshoot Media, produzzjoni eżekuttiva ta’ Go plc u direzzjoni ta’ Steven Dalli u Sarah Micallef Muscat, Chalet: Għar id-Dud, hija serje ġdida li se tibda tixxandar mid-29 ta’ Diċembru fuq l-istazzjon Go Stars.

Il-produtturi Justin Farrugia u Steven Dalli jitkellmu dwar is-serje

Is-serje se tkun tikkonsisti fi 8 episodji, bl-ewwel żewġt episodji jixxandru wara xulxin fid-29 ta’ Diċembru fuq Go Stars kif ukoll fuq YouTube.

L-episodji se jkunu wkoll fuq l-on demand tal-Go, jiġifieri wieħed jista’ jsegwi l-episodji xħin irid.

L-istorja ta’ dan is-serje se teħodna lura fis-snin 30, fl-aqwa żmien tax-Chalet.

Installazzjoni tal-Arti minn Katel Delia – Miftuħa sas-16 ta’ Jannar

Installazzjoni tal-Arti minn Katel Delia – Miftuħa sas-16 ta’ Jannar

Delia qed tippreżenta installazzjoni immersiva, maħluqa speċifikament għall-Kamra ta’ Fuq. L-għan ta’ din l-installazzjoni hija li taħkem lill-kamra kollha u tibdilha fi spazju surreali. It-tema tagħha hija l-migrazzjoni fil-baħar Mediterran, u r-realtà allarmanti u ta’ diqa marbuta magħha, li iżda ħafna draw daqslikieku mhi xejn.

L-installazzjoni tuża elementi varji – dwal, ħsejjes u viżwali – li permezz tagħhom Delia trid tieħu lill-viżitaturi f’post ieħor lil hinn mill-Kamra ta’ Fuq. L-esperjenza tal-osservatur se tkun omaġġ għal dawk il-ħafna migranti li tilfu ħajjithom waqt li paradossalment kienu qed ifittxu ħajja aħjar. L-installazzjoni toffri livelli varji ta’ interpretazzjoni – mill-idilliku għal realtà xokkanti.

Delia għandha interess speċjali fil-migrazzjoni, minħabba li hija nnifisha hija parti minn familja li kellha temigra lejn diversi pajjiżi matul is-snin u għandha kompassjoni lejn nies li m’għandhomx għażla oħra ħlief li jħallu kollox warajhom u jitilqu.

Parti mill-ispirazzjoni ta’ dan il-proġett huwa mappa li Delia ltaqgħet magħha f’Migreurop, li turi l-ammont ta’ persuni li għebu jew mietu fil-Mediterran.

Fil-fatt, mill-2014 ‘l hawn, 22,930 migrant ġew irreġistrati nieqsa fil-Mediterran.

L-installazzjoni tal-arti The Last Breath qed tittella’ f’Il-Kamra ta’ Fuq, Mqabba, u se tibqa’ miftuħa sas-16 ta’ Jannar.

Ħinijiet tal-ftuħ:

Mit-Tnejn sas-Sibt – Mis-6 ta’ filgħodu sa nofsinhar

Il-Ħdud – Mis-7 ta’ filgħodu sa nofsinhar

Christmas Collective Art Exhibition: It-tieni wirja ġewwa Art by the Seaside

Christmas Collective Art Exhibition: It-tieni wirja ġewwa Art by the Seaside

It-tieni wirja ġewwa Art by the Seaside (65, Triq il-Mina tax-Xatt, Isla) bdiet fit-12 ta’ Diċembru u għandha sa nhar l-Erbgħa 22 ta’ Diċembru.

Din il-wirja ġġib l-isem ta’ Christmas Collective Art Exhibition fejn fiha wieħed isib varjetà ta’ xogħlijiet ta’ arti, miġbura minn tnax-il artist.

Tajjeb illi nibda billi nsemmi lil Joan Burlo u Dave Calleja, pittriċi u skultur tal-ħadid, rispettivament. Għalihom din hija l-ewwel darba li qiegħdin jesibixxu xogħolhom għall-pubbliku. Filwaqt li l-għaxar artisti l-oħra esibixxew xogħolhom drabi oħra.


Interessanti immens kif għalkemm kull biċċa xogħol hi differenti mill-oħra, u anke tidher versitilità minn biċċa xogħol għall-oħra tal-istess artist, xorta waħda nħoloq spazju ferm mill-isbaħ. Malli tidħol tħoss li tixtieq tara kollox f’daqqa, sakemm taqbad tiffoka kamra, kamra sabiex tapprezza kull biċċa xogħol.

L-ambjent ta’ Art by the Seaside jgħinek tħossok trankwilla f’dar mgħammra b’attenzjoni professjonali sabiex kull pittura, skultura ma titfix jew ittellef l-attenzjoni minn biċċa xogħol oħra.

Dawn huma wħud mix-xogħlijiet li wieħed isib waqt il-Christmas Collective Art Exhibition ġewwa Art by the Seaside, ibqgħu ċerti li hemm iktar x’wieħed jara u japprezza. Nissuġġerixxi wkoll li tagħtu titwila għax jaf issibu dak ir-rigal tal-Milied li jonqoskom tixtru; minn artisti lokali b’xogħlijiet uniċi.

Bħala ħinijiet tal-ftuħ; din se tkun miftuħa:


• Is-Sibt mill-10.30 sas-13.30 u mit-15.00 sat-20.30
• Il-Ħadd mill-10.30 sas-13.00 u mill-16.30 sat-20.30.
• Filwaqt li mit-Tnejn sal-Ġimgħa: mis-18:00 sat-20:30.

Għandha miftuħa sa nhar l-Erbgħa 22 ta’ Diċembru. Tajjeb li wieħed isewgwi l-paġna ta’ Facebook ta’ Art by the Seaside | Facebook u anke l-event: Christmas Collective Art Exhibition għal iktar dettalji u aġġornamenti.

Enable Notifications    OK No thanks