Ftit tal-minuti ilu, il-kantanta Lyndsay Pace nediet kanzunetta ġdida bl-isem ta’ Booty Call bi produzzjoni u lirika ta’ Michael James Down u Will Taylor, b’kolaborazzjoni ma’ Highkey Music.
Booty Call hija waħda mill-kanzunetti tal-ewwel album tagħha Dopamine li se joħroġ uffiċjalment is-sena d-dieħla.
Din il-kanzunetta b’ritmu mexxej u b’melodija tal-widna hija akkumpanjata flimkien ma’ vidjow tal-lirika maħdum minn Daphne Sammut.
Din hija proprju r-raba’ kanzunetta li nħarġet mir-repertorju ta’ dan l-album. Lyndsay tgħidilna li tinsab ħerqana ħafna biex tkompli toħroġ iktar materjal oriġinali fil-futur qarib.
Tista’ tisma’ l-kanzunetti ta’ Lyndsay fuq il-pjattaformi diġitali kollha bħal iTunes, Spotify kif ukoll Apple Music u tista’ wkoll issegwi l-vidjows mużikali fuq il-YouTube Channel tal-kantanta.
Fil-15 t’Ottubru għalqu l-applikazzjonijiet għat-tieni edizzjoni ta’ Mużika Mużika.
Wara li l-ewwel edizzjoni kisbet suċċess kbir, b’aktar minn 320,000 telespettatur segwew il-festival fuq medda ta’ tlett ijiem, Festivals Malta rċieva 170 sottomissjoni minn artisti lokali. Konkorrenza ferm akbar mis-sena li għaddiet.
Il-fażi li jmiss hija li l-kanzunetti sottomessi jiġu evalwati minn ġurija esperta fejn minn hemm jintgħażlu 35 kanzunetta biex jiġu esebiti lajv quddiem ġurija differenti minn dik tal-ewwel fażi.
Wara din il-fażi, jintgħażlu 20 kanzunetta semifinalista li magħhom se jkun qed jikkompeti wkoll ir-rebbieħ tal-programm televiżiv Mużika Mużika l-Vjaġġ Ikompli.
It-tieni edizzjoni ta’ Mużika Mużika – Festival Kanzunetta Maltija se jsir bejn l-24 u s-26 ta’ Marzu 2022.
Julie Pomorski tirritorna fix-xena mużikali bħala kantawtriċi b’kanzunetta oriġinali!
Imwielda fit-13 ta’ Novembru tal-1987, Julie Pomorski żgur li m’għandha bżonn l-ebda introduzzjoni fix-xena tal-ispettaklu, wara li għexet il-maġġor parti ta’ ħajjitha fuq il-palk, fi studjow tat-televixin jew inkella fi studjow tal-kant. Illum il-ġurnata, hija wkoll għalliema tal-vuċi fi ħdan VocalBooth Studios, fejn ir-rwol tagħha huwa li tipprepara lill-kantanti t’għada.
Dawn l-aħħar snin Julie tgħid li ilha ttella’ u tniżżel il-possibilità li tippubblika xi materjal oriġinali u proprju issa fl-2021, ddeċidiet li issa ċ-ċans. Ar’Int! fuq kliem u mużika tal-istess Julie Pomorski, b’xi ftit għajnuna minn Conrad Dimech ta’ Blacklight Studios hija biss il-bidu, togħma żgħira ta’ dak li għad irridu nisimgħu mingħandha.
Julie tgħid li l-kanzunetta Ar’Int! mhi miktuba għal ħadd partikolari, iżda ħasset li kellha toħloq persuna li ħafna jistgħu jirrelataw magħha, persuna li tgħaddi minn episodju fejn tingidem minn xi ħadd li tkun mingħaliha bniet relazzjoni intima.
Il-kantawtriċi żiedet tgħid li l-kanzunetta ilha miktuba madwar 3 snin iżda tħoss li l-messaġġ jibqa’ kurrenti, jgħaddu kemm jgħaddu s-snin.
Ar’Int!, l-ewwel kanzunetta oriġinali mill-vuċi ta’ Julie Pomorski minn Ħolqa, li biha hija ħadet sehem fil-festival L-Għanja tal-Poplu 2017, hija akkumpanjata minn filmat mużikali ffilmjat minn Three Wise Men. Dan il-filmat jagħti ħafna kulur lill-kanzunetta, u mhux biss għax hemm fjuri ta’ kull kulur, iżda għax jirnexxielu jagħti dimensjoni oħra.
Mil-lum 16 t’Ottubru, Ar’Int! hija disponibbli biex tindaqq jew tinxtara fuq il-pjattaformi ewlenin tal-mużika diġitali fosthom: Spotify, Deezer, Google Play, Amazon and iTunes grazzi għall-kumpanija tad-distribuzzjoni internazzjonali; CAP-Sounds.
Jitnieda l-vidjow uffiċjali tal-lirika tal-kanzunetta Ħarsa Biss, li biha Glen Vella rebaħ l-ewwel edizzjoni ta’ Mużika Mużika – Festival Kanzunetta Maltija.
Ħarsa Biss hija kompożizzjoni ta’ Philip Vella u lirika ta’ Joe Julian Farrugia. Il-vidjow tal-lirika kien f’idejn Victor Abela bi produzzjoni ta’ Festivals Malta u Mużika Mużika – Festival Kanzunetta Maltija
Ix-xahar li għadda, Glen flimkien ma’ Jasmine Abela, Gaia Cauchi u Jade Vella niedew verżjoni ġdida ta’ Ħarsa Biss waqt il-maratona ta’ ġbir ta’ fondi għat-tieni Dar Bjorn.
Il-kantanta Maria Luana ddedikat l-interpretazzjoni tagħha flimkien ma’ Kurt Cassar, tal-kanzunetta Forever Young lill-kuġin tagħha Zak, li tilfet proprju bħal-lum sena.
Fuq il-paġna ta’ Facebook tagħha, Maria Luana stqarret li sa ftit żmien ilu ma kinitx kapaċi tisma’ din il-kanzunetta minħabba li din kienet il-kanzunetta favorita tal-kuġin tagħha.
“Għalik għażiż tagħna Zak. Int se tibqa’ dejjem żagħżugħ f’qalbna. Inħobbuk.” – Maria Luana
Aktar kmieni llum, il-grupp mużikali The Travellers nieda kanzunetta oћra, li l-isem tagћha huwa wkoll it-titlu tal-album il-ġdid tagћhom, Inżul u Tlajja’.
L-album innifsu huwa riflessjoni profonda fuq diversi esperjenzi li niltaqgħu magħhom fil-ħajja ta’ kuljum. Ħafna mill-ispirazzjonijiet tad-diski li jinsabu ġo dan l-album huma bbażati fuq l-esperjenzi tal-kompożitur u l-interpretazzjoni tiegħu ta’ dawn iċ-ċirkostanzi, kif ukoll fuq kwistjonijiet soċjali li qiegħdin jaffettwaw il-ġenerazzjoni żagħżugħa.
Is-single li għandha l-istess isem tal-album, tittratta fuq mumenti sbieħ fil-ħajja, kif ukoll mumenti koroh, u fl-istess ħin twassal storja.
Kunċert mużikali lajv u tnedija tal-album il-ġdid se jiġu mħabbra dalwaqt!
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
