Select Page
Illejla ħa tarahom l-istilel?

Illejla ħa tarahom l-istilel?

Illum 10 ta’ Awwissu, f’dik li tradizzjonalment magħrufa bħala l-lejl ta’ San Lawrenz.

Mal-lejl se jerġa’ jitfaċċa’ l-ispettaklu tax-‘shooting stars’ (id-dmugħ ta’ San Lawrenza) bħal kull sajf.

Agħmel mezz u ara dan l-ispettaklu meraviljuż, li jaf joħloq l-ispazju.

Inti se tarahom? Jekk iva, ikkummentalna minn fejn ħa tarahom.

Filmat: Titħajjar tqatta’ xi jiem f’Lighthouse?

Filmat: Titħajjar tqatta’ xi jiem f’Lighthouse?

L-esploratur Pierre Farrugia din id-darba qasam magħna avventura li teħodna fis-sbuħija li joffri Delimara.

Il-mixja ta’ Pierre tibda mill-Fortizza ta’ Delimara, li nbniet fl-1881 mill-Ingliżi.

Matul il-mixja, fost oħrajn wieħed jista’ jara wkoll lighthouse li apparentament wieħed jista’ jibbukkja u jqatta’ ftit jiem hemm igawdi l-veduti mill-isbaħ tal-inħawi.

Segwi l-avventura ta’ Pierre b’mod virtwali permezz ta’ dan il-filmat:

Filmat: Kont taf li f’Għawdex għandna statwa bħal dik ta’ Rio De Janeiro?

Filmat: Kont taf li f’Għawdex għandna statwa bħal dik ta’ Rio De Janeiro?

Għal ġimgħa oħra l-esploratur u avventuruż Angelo Caruana qasam magħna avventura interessanti oħra, din id-darba fil-gżira Għawdxija. Din id-darba se jeħodna fuq waħda mill-għoljiet dominanti li jinsabu f’Għawdex, dik li ħafna jsibuha l-għolja tas-Salvatur jew inkella l-Għolja tal-Merżuq.

Din l-għolja li fuqha nsibu statwa tas-salvatur magħmula mill-konkrit, mawdar 320 pied ‘il fuq mill-baħar. Statwa li hija simili ħafna għal dik li nsibu f’Rio De Janiero fil-Brażil però ħames darbiet iżgħar minnha, jiġifieri sitt metri għoli b’sitt metri wisa’.

Minn hawnhekk wieħed jista’ jgawdi mill-isbaħ b’panorama dawra tond tal-gżira Għawdxija li bħalissa qisha kartolina bil-ġmiel ta’ natura li toffri wara x-xita li niżlet fuq il-gżejjer Maltin. Angelo jfakkar li meta wieħed iżur dawn il-postijiet, irid jirrispetta l-ambjent ta’ madwaru billi ma jħammiġx, ma jagħmilx ħsara l-ħitan tas-sejjieħ kif ukoll juża’ passaġġi eżistenti biex ma jgħaffiġx kemm jista’ l-flora u fawna.

Segwi l-avventura ta’ Angelo Caruana permezz ta’ dan il-filmat:

Filmat: Avventura li teħodna lejn il-Blata tal-Melħ – Ġieli żortha?

Filmat: Avventura li teħodna lejn il-Blata tal-Melħ – Ġieli żortha?

L-esploratur Pierre Farrugia qasam magħna avventura li se teħodna sabiex naraw is-sbuħija li toffri l-Blata tal-Melħ u ta’ madwarha.

Il-Blata tal-Melħ tinsab fil-kosta tal-Baħrija viċin l-Imtaħleb u l-isem tagħha ġej proprju mis-salini, li wieħed isib f’dan il-post.

Sabiex wieħed jasal f’dan il-post irid jimxi madwar 45 minuta fuq art imħarbta u fl-aħħar hemm niżla wieqfa ħafna.

Hawn min jgħid li kien negozjant Taljan li għamel dawn is-salini tal-melħ u li kien hu li ta l-isem lil dan il-post.

Issib ukoll żewġ turġien, wieħed biex tinżel ħdejn is-salini u l-ieħor biex tinżel sal-baħar.

B’dan it-taraġ il-ħaddiema kienu jġorru l-melħ għal fuq id-dgħajjes. Meta jkun maltemp wieħed irid joqgħod attent ħafna għax il-baħar ikun perikoluż ħafna.

Hawn wieħed jista’ anke jsib lapida ta’ Carmelo Micallef li kien tilef ħajtu wara li mewġa kaxkritu l-baħar waqt li kien qed jistad hawn.

Minkejja li xi partijiet mill-avventura huma xi ftit diffiċli, iżda xħin tasal fil-post żgur li ma jiddispjaċikx li rnexxielek tagħmilha!

Segwi l-avventura permezz ta’ dan il-filmat:

Filmat: Kont taf li għandna parti fil-baħar magħluqa f’pixxina naturali fil-limiti tal-Qrendi?

Filmat: Kont taf li għandna parti fil-baħar magħluqa f’pixxina naturali fil-limiti tal-Qrendi?

Kont taf li Malta għandna parti fil-baħar magħluqa f’Pixxina Naturali fil-limiti tal-Qrendi?


Kont taf li din timtela’ permezz ta’ mina taħt l-ilma li minnha jidħol l-ilma baħar?


Segwu magħna din l-avventura interessanti li qasam magħna l-vlogger Angelo Caruana fejn għal ġimgħa oħra qed jurina ġawhra oħra mill-gżejjer Maltin, li ftit nies jafu biha.


Sabiex tasal għal din il-pixxina, trid tipparkja l-karozza fejn Għar Lapsi u taqbad mixja qasira direzzjoni lejn Wied iż-Żurrieq. Wieħed irid joqgħod ħafna attent minn fejn jgħaddi peress li l-kosta ta’ dawn l-inħawi hija waħda fraġli u faċli jaqa’ xi blat. Il-veduti minn hawn huma tal-meravilji b’diversi għerien żgħar, bajjiet, irdum kif ukoll xenarju mill-isbaħ tal-baħar u l-gżira ta’ Filfla.

F’dan il-filmat tistgħu taraw ukoll filmati taħt il-baħar tal-mina li tissupplixxi l-ilma baħar għal din il-ħofra fil-blat. Ġawhra naturali oħra li jekk qatt ma żort nissuġġerulek li tmur. Dejjem importanti li tuża l-passaġġi eżistenti sabiex ma tagħmilx ħsara l-post u żżomm l-ambjent nadif.

Jgħaddu l-ewwel sitt kontestanti miċ-Chair Challenge ta’ X Factor Malta

Jgħaddu l-ewwel sitt kontestanti miċ-Chair Challenge ta’ X Factor Malta

Wara l-auditions u l-bootcamp, ilbieraħ bdiet il-fażi taċ-Chair Challenge, li fiha jridu jintgħażlu biss 6 kontestanti.

Iċ-Chair Challenge bdiet bil-kategorija tal-bniet li hija f’idejn Ivan Grech.

Kull min segwa seta’ jara li ma kinitx sfida faċli għal Ivan biex jagħżel is-6 kontestanti li se jkomplu dan il-vjaġġ.

Shauna Vassallo, Timea Farr, Kristy Spiteri, Lisa Gauci, Mariah Gerada u Hannah Theuma, huma l-ewwel sitt kontestanti li għaddew għall-fażi li jmiss, li hija dik tal-Judges’ Houses.

Il-ġimgħa d-dieħla jmiss il-kategorija tal-Overs li hija l-kategorija ta’ Ira Losco.

Tgħid min se jkunu s-6 kontestanti li jmiss?!

X Factor Malta jixxandar kull nhar ta’ Ħadd fid-9 ta’ filgħaxija fuq TVM.

Enable Notifications    OK No thanks