Ilbieraħ filgħaxija bdiet id-19-il edizzjoni tal-programm tant segwit, Liquorish.
Fl-ewwel programm skoprejna ftit aktar dwar l-10 parteċipant ta’ din l-edizzjoni kif ukoll id-destinazzjoni!
L-avventura ta’ Liquorish ta’ din is-sena se teħodna l-Panama!
Bi preżentazzjoni ta’ Andrea Cassar, ġimgħa wara ġimgħa, kull nhar ta’ Tnejn fuq ONE fit-20:35, il-parteċipanti flimkien mat-tim ta’ Liquorish se jeħduna fuq vjaġġ ta’ emozzjonijiet differenti u xenarji spettakolari!
Erġa’ segwi l-ewwel programm tad-19-il edizzjoni ta’ Liquorish:
Huma ħafna d-drabi li nitpaxxew bis-sbuħija li joffru pajjiżi madwar id-dinja, iżda kemm napprezzaw is-sbuħija ta’ pajjiżna stess?
Ritratt: Susan Fleri Soler (Ir-Ramla tal-Mixquqa)
Għalkemm sfortunatament id-deċiżjonijiet żbaljati tal-awtoritajiet u tagħna ċ-ċittadini qed iħallu impatt fuq l-ambjent, in-natura u dak kollu li jsebbaħ u jagħti identità denja lil pajjiżna, għadna nistgħu ngawdu dak li fadal, u aktar minn hekk, naraw li dak li fadal ma nitilfuhx.
Min jaf kemm hawn postijiet b’veduti mill-isbaħ li qatt ma żorna f’pajjiżna stess!
Uħud jagħżlu li jqattgħu l-ħin ta’ rilassament tagħhom f’dawn il-postijiet, b’uħud minnhom ifittxu li dejjem jiskopru xi mkien li qatt ma żaru.
Minbarra li hija xi ħaġa sabiħa li tapprezza l-ġmiel li toffri n-natura u ta’ pajjiżek, li tqatta’ ftit ħin ‘il bogħod mit-teknoloġija u dak kollu li hu materjali, u iva għaliex le, tfittex li tqatta’ ftit ħin waħdek, hu l-aħjar mod li tista’ tieqaf, tieħu nifs u tirrilassa jew tirrifletti, mingħajr distrazzjonijiet.
Ftit ħin ta’ rilassament f’kuntatt man-natura jista’ jagħtik l-enerġija u s-saħħa li għandek bżonn biex tkompli tiffaċċja l-kumplament tal-ġurnata.
Din id-darba l-esploratur lokali Angelo Caruana se joħodna f’post li jinsab fil-limiti tas-Siġġiewi, Wied Ħesri li ftit nies jafu bih jew marru xi darba jew oħra igawdu l-ġmiel naturali tiegħu.
Dan il-Wied, li jinsab bejn is-Siġġiewi u Ħaż Żebbuġ, huwa twil madwar żewġ kilometri u minnu tgħaddi kwantità kbira ta’ ilma minn pajsaġġi li mas-snin iffurmaw ġol-istess wied qalb il-blat li jiffurmaw l-ilqugħ fil-ġnub tiegħu.
Bla dubju ġo dan il-wied wieħed isib diversi siġar u għadajjar tal-ilma, li bħalissa wara x-xita, iffurmaw sew kif ukoll diversi interventi mill-bniedem bħal ħitan sabiex jilqgħu l-ilma tax-xita, biex ikun jista’ jintuża mill-bdiewa għat-tisqija tal-prodotti u siġar li wieħed isib fl-għelieqi tal-madwar.
Angelo jinnota wkoll li siġra tal-lewż tidher li tħawdet fl-istaġuni peress li tinsab diġà bil-weraq meta dan suppost li jseħħ fir-Rebbiegħa.
Bla dubju din l-esperjenza li qed jaqsam magħna Angelo fuq dan il-filmat hija waħda sabiħa ħafna fejn qegħdin naraw stampa ċara ta’ kif wieħed jista’ jgawdi dan il-pajsaġġ sabiħ ħafna.
Bħal dejjem, Angelo jfakkar sabiex wieħed juża dejjem il-passaġġi eżistenti, ma jagħmilx ħsara l-ambjent billi jħammeġ u jirrispetta l-ambjent naturali li jinsab f’dawn l-inħawi.
Avventura interessanti oħra mal-vlogger lokali Angelo Caruana. Din il-ġimgħa se jeħodna saż-żona msejħa Dwejra Lines, li tinsab fil-limiti tar-Rabat, Malta.
Din iż-żona, li hija waħda mill-isbaħ żoni f’Malta wieħed jista’ jaċċessaha b’mod faċli bil-karozza, jipparkja u jibda mixja ħelwa qalb in-natura fejn wieħed isib fejn jista’ jistrieħ u jieħu xi ħaġa tajba kif ukoll avventura bil-mixi matul il-ħajt mibni mill-Ingliżi, il-Victoria Lines.
Matul din il-mixja wieħed jista’ jinnota diversi mini li kienu jintużaw bħala kmamar għall-ħażna tal-munizzjon. Tajjeb infakkru li dan il-ħajt inbena bħala difiża u qiegħed fi stat li għandu bżonn ta’ intervent malajr kemm jista’ jkun sabiex jiġi restawrat qabel jintilef darba għal dejjem.
Il-mixja twasslek għal parti oħra mill-ħajt li jaqsam il-Wied ta’ Binġemma b’veduti mill-isbaħ tal-irħula tal-madwar u l-istess wied.
Angelo jżid jgħid li wieħed għandu jirispetta l-ambjent meta jżur dan il-post u ma jagħmilx ħsara fil-madwar, għaliex huwa post li jkun iffrekwentat minn ħafna familji speċjalment fi tmiem il-ġimgħa.
Din l-avventura se teħodna sal-limiti tal-Baħrija, fejn flimkien mal-esploraturi Angelo Caruana u Pierre Farrugia se nimxu mixja qasira sakemm insibu dak li jissejjaħ l-Għar l-Iswed.
F’dan l-għar, li s’issa għadna ma nafux minn fejn oriġina dan l-isem, wieħed jista’ jara l-ġmiel naturali li bih ġie ffurmat dan l-għar li fih kienu jgħammru l-antenati tagħna.
Dan jixhdu l-ħafna tħaffir fil-ħajt, fosthom marbat għal annimali u xkafef oħra li kienu jservu biex wieħed jgħix f’għerien bħal dawn. Ma’ dawn wieħed isib ħitan tas-sejjiegħ li kienu jservu ta’ kenn mill-elementi.
Ħaġa nteressanti li s’issa Angelo u Pierre qatt ma ltaqgħu magħha f’għerien oħra, hija ħofra fil-blat li twassal għal mina mħaffra bl-idejn li l-indikazzjonijiet juru li din intużat bħala xelter fiż-żmien it-Tieni Gwerra Dinjija. Jixhdu dan il-kantunieri li fiha biex tilqa’ l-elementi kif ukoll xi attakk bil-bombi.
Bħalissa dan l-għar qed iservi wkoll fejn wieħed jista’ jipprattika l-isport tat-tixbit mal-blat (climbing). Avventura interressanti oħra li turi l-ġmiel ta’ pajjiżna.
Angelo dejjem jisħaq li postijiet bħal dawn għandhom jiġu mħarsa u ma jiġux ivvandalizzati.
Segwi l-avventura li qasmu magħna Angelo Caruana u Pierre Farrugia:
Fl-aħħar avventura tiegħu Angelo Caruana se jeħodna dawra bir-rota n-naħa ta’ fuq ta’ Malta b’xeni mill-isbaħ tal-kampanja Maltija f’ġurnata bellezza f’Ottubru.
Waqt dan il-vjaġġ ta’ 50 kilometru, li jibda miż-Żurrieq sas-Siġġiewi fejn jiltaqa’ ma’ sħabu mis-South Cranx u wara jerħulha għal waqfa biex igawdu x-xenarju tal-irdumijiet ta’ Ħad Dingli u l-Fawwara u wara saż-żona tal-Kunċizzjoni u lura mid-Dwejra, Mosta, Siġġiewi saż-Żurrieq.
Angelo jgħidilna li għalkemm Malta hija nieqsa mill-karreġjati segregati għar-roti, xorta b’attenzjoni kbira, wieħed jista’ jgawdi l-kampanja bir-rota u l-aħjar hu li toħroġ ma’ grupp ħalli tkun iktar sikur.
Huwa importanti wkoll li wieħed jilbes l-elmu waqt is-sewqan tar-rota għalkemm m’hemmx liġi li tinforza dan, però jekk jiġri inċident jista’ jsalvalek ħajtek.
Avventura oħra mimlija xenarji sbieħ madwar Malta kif jaf iwasslilna Angelo kull ġimgħa.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
