Il-Missjoni Tagħna
“Skoperta huwa sit elettroniku indipendenti li l-għan prinċipali huwa li permezz tiegħu nwasslu intervisti,
artikli, stejjer, aġġornamenti lokali u internazzjonali, tagħrif u dak kollu li hu ta’ interess għall-pubbliku.
Il-kwalità kif ukoll il-kontribut tal-pubbliku jiddefinixxu l-identità ta’ Skoperta. Naspiraw li mhux biss
nipprovdu kontenut ta’ kwalità iżda li jirnexxilna nkunu parti mill-ħajja tas-segwaċi u l-qarrejja tagħna, u
nagħmlu differenza.”
Merħba,
Jiena Roberta
(Direttriċi u Editriċi)
Passjonijiet tiegħi: Ġurnaliżmu, kitba, il-lingwa Maltija, drama, mużika u li nagħmel differenza pożittiva fil-ħajja ta’ ħaddieħor.
Fil-qasam tal-ġurnaliżmu u l-midja, inwassal artikli u intervisti relatati ma’ ġrajjiet kurrenti u stejjer umani, u naħdem ma’ diversi personalitajiet lokali, magħrufa u oħrajn inqas magħrufa.
Fil-qasam tad-drama, kelli partijiet żgħar fis-sensiliet F’Salib it-Toroq, Iċ-Ċaqqufa u Qalb in-Nies, u partijiet ikbar f’Tereża u Santa Monika.
Fil-qasam tal-mużika, nikteb il- kanzunetti. Fost dawk li ktibt s’issa hemm il-kanzunetta ‘Binti’, kantata minn Janvil u Jade, b’kompożizzjoni ta’ Richard Micallef.
Ħadt sehem ukoll f’vidjow mużikali tal-kantant Sebastian Calleja.
Ambizzjonijiet: Inkompli nitħarreġ u nevolvi f’xogħli u dak kollu li nagħmel, kif ukoll inwettaq proġetti oħra relatati mal-passjonijiet u l-personalità tiegħi.
Merħba,
Jiena Janice
(Direttriċi u Maniġer tal-Midja Soċjali)
Passjonijiet tiegħi: Dak kollu relatat mal-kitba u ġrajjiet kurrenti.
L-interess tiegħi fil-ġurnaliżmu nibet minn snin ilu iżda qatt ma kelli l-opportunità li ninvolvi ruħi f’dan il-qasam. Permezz ta’ Skoperta qed jirnexxili nagħmel dan.
Ambizzjonijiet: Inkompli navvanza f’xogħli u fil-ħajja personali tiegħi.