L-għada tal-ftuħ tat-tieni Dar Bjorn f’Ħaż-Żebbuġ, Bjorn tella’ ritratt li juri lilu, lil Maria u lil Dar jieħdu “nagħsa ħelwa” wara diversi xhur ta’ ħidma bla waqfien.
Permezz ta’ dan li Bjorn qed issejjaħlu bħala “miraklu kbir”, Bjorn u Maria se jkunu jistgħu jgħinu 30 persuna li se jgħixu fid-dar ta’ Ħaż-Żebbuġ u 13-il persuna fid-dar ta’ Ħal Qormi minn nhar it-Tnejn li ġej.
Filwaqt li fakkar llejla se jkun qed jiġi mniedi l-vidjow mużikali tal-kanzunetta Ħin Misluf, Bjorn irringrazzja lil kull min għen biex l-attività tal-bieraħ tkun suċċess.
Int tista’ tkompli tgħin lil Bjorn u Maria biex ikomplu jagħtu l-għajnuna kollha meħtieġa lil ħafna nies billi tagħti donazzjoni:
Ftit tal-ħin ilu, ħolma oħra ta’ Bjorn saret realtà!
Mument speċjali għal Bjorn u Maria hekk kif f’attività li għaliha attendew fost oħrajn il-Prim Ministru Robert Abela u l-Kap tal-Oppożizzjoni Bernard Grech, infetħet uffiċjalment it-tieni Dar Bjorn f’Ħaż-Żebbuġ.
Għal din is-serata tant speċjali, attenda wkoll Peppi Azzopardi, li flimkien mal-WE Media, tant għen lil Bjorn matul is-snin sabiex il-ħolm tiegħu jsiru realtà.
Permezz ta’ din id-dar, Bjorn se jkun jista’ jkompli jgħin aktar nies li jgħixu bil-kundizzjoni tal-ALS u kundizzjonijiet newroloġiċi oħra, li ma jkunux jistgħu jkomplu jgħixu fid-dar tagħhom.
Din se tkun id-dar li kull min jgħix fiha se jkollu mhux biss l-assistenza medika li jkollu bżonn iżda jkun jista’ jkompli jgħix ħajtu b’dinjità u fuq kollox, f’ambjent ta’ serħan il-moħħ u mħabba.
F’kitba fuq il-paġna ta’ Facebook ta’ Bjorn ftit tal-ħin ilu, tħabbar li jidher li minkejja t-tbatija u l-kumplikazzjonijiet li nqalgħu wara l-operazzjoni riskjuża li saret fuq Bjorn, hemm xaqq ta’ dawl.
Se nippruvaw noħorġu nhar it-Tnejn. Kemm tbatija però, imma l-ħajja hekk hi. Żgur li xejn ma jiġi faċli. Inkomplu nħarsu lejn il-ftuħ ta’ Dar Bjorn, Żebbuġ, biex inkunu nistgħu ngħinu aktar nies u b’entużjażmu nibdew naħdmu fuq Dar Bjorn Respite. Kuraġġ, ma naqtgħu qalbna qatt!
Int tista’ tkompli tgħin lil Bjorn ikompli jgħin aktar nies, minkejja t-tbatija li għaddej minnha hu, billi tagħti donazzjoni fuq:
Ilbieraħ filgħaxija ttellgħet għall-ewwel darba is-serata tal-Mvintage Woman of the Year Award, li intrebaħ minn Maria Formosa, mart Bjorn Formosa.
Matul is-sajf li għadda, il-pubbliku kellu ċ-ċans li jivvota għall-Woman of the Year Award, imnedija mill-kumpanija rinomata l-Mvintage. Għal dan il-premju ġew nominati seba’ nisa li jinkludu: Maxine Attard, Gabi Calleja, Shelley Caruana, Angele Cuschieri, Lara Dimitrijevic, Helga Ellul u Maria Formosa. Dawn in-nominazzjonijiet intlagħu tajjeb mal-pubbliku, għall-fatt li b’kollox irċivew 11,000 vot.
Ilbieraħ, intlaħaq il-qofol permezz ta’ serata li ttellgħet apposta biex titħabbar il-mara tas-sena, organizzata mill-istess kumpanija. Mis-seba’ nominazzjonijiet, dan il-premju intrebaħ minn Maria Formosa, mara ta’ pilastru kemm għal żewġha Bjorn u kemm għall- komunità tal-ALS. Mara devota ta’ żewġha, li flimkien miegħu ħadmu bla heda biex jiftħu Dar Bjorn, dar komunitarja residenzjali li tilqa’ nies b’ALS, MS, u kundizzjonijiet newroloġiċi oħra.
Wara l-premjazzjoni, spikka ħafna d-diskors li għamlet Maria: “Nixtieq naqsam dan l-unur man-nisa kollha li hemm id-dar b’pazjenti li ma jaf bihom ħadd. Nixtieq ukoll naqsam dan it-titlu ma’ mara li nammira ghax taħdem ħafna ma’ tfal morda bil-kanċer, Angele Cushieri ta’ Puttinu Cares.”
Ma setax jonqos il-kumment emozzjonali ta’ żewġha Bjorn: “Proset Maria! Bikkejtni!”
It-tim kollu ta’ Skoperta jixtieq jifraħ lil Maria Formosa għal dan il-premju tant mistħoqq. Prosit Maria! Aħna kburin bik!
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
