Ftit tal-jiem ilu, il-kantant Matthew Attard magħruf bħala Il-Kalakku nieda kanzunetta ġdida b’messaġġ pjuttost b’saħħtu u dirett.
Mara, kanzunetta miktuba minn Matthew stess, tittratta l-vjolenza domestika fuq in-nisa u t-tbatija, ħafna drabi fis-silenzju, li jgħaddu minnha.
Meta staqsejna lil Matthew x’kien li wasslu biex jikteb kanzunetta bħal din, qalilna li kien il-fatt li minkejja li hawn ħafna għarfien kontra l-vjolenza domestika, xorta jibqgħu jiġru każijiet u traġedji u għaldaqstant kiteb il-kanzunetta bit-tama li l-messaġġ tagħha jkun aktar effettiv.
Il-kanzunetta hija ddedikata għal dawk kollha li b’xi mod jew ieħor sfaw vittma ta’ vjolenza domestika, u dawk li tilfu wkoll ħajjithom, riċentament Paulina Dembska.
Jispikka wkoll il-messaġġ minn Matthew fl-aħħar tal-filmat, li ġie rrekordjat minn Gilkicker Music u ffilmjat minn Marlon Polidano, fejn ġibed ukoll l-attenzjoni li s-sitwazzjoni tista’ tkun ukoll viċi versa.
Fil-messaġġ tal-Ewwel tas-Sena tiegħu, il-Papa Franġisku appella b’mod ċar biex titwaqqaf il-vjolenza fuq in-nisa, u qal li din hija insult lejn Alla.
Il-Papa Franġisku, ta’ 85 sena, iċċelebra quddiesa fil-Bażilika ta’ San Pietru dakinhar li l-Knisja Kattolika Rumana timmarka kemm is-solennità ta’ Marija Mqaddsa Omm Alla kif ukoll il-Jum Dinji tal-Paċi annwali tagħha.
Huwa bbaża l-omelija tal-Ewwel tas-Sena fuq it-temi tal-maternità u n-nisa, u użaha biex jagħmel waħda mill-aktar sejħiet qawwija tiegħu s’issa biex tintemm il-vjolenza fuqhom.
Waqt programm televiżiv Taljan ix-xahar li għadda, il-Papa Franġisku qal lil mara li kienet imsawwta mill-eks żewġha li rġiel li jagħmlu vjolenza fuq in-nisa jkunu qed iwettqu att kważi sataniku.
Minn meta bdiet il-pandemija tal-Covid-19 kważi sentejn ilu, il-Papa tkellem diversi drabi kontra l-vjolenza domestika, li żdiedet f’ħafna pajjiżi minn l-lockdowns ħallew nisa maqbuda ma’ min jabbużahom.
Jade Cini, li kienet qed tirrapreżenta l-Belt Valletta, hija r-rebbieħa ta’ Miss Universe Malta, fis-serata li ġiet imxandra nhar il-Ġimgħa.
Hija se tkun qed tirrapreżenta lil Malta ġewwa Iżrael f’Diċembru li ġej, f’konkors li hu meqjus bħala l-aktar konkors prestiġjuż fid-dinja, u se tkun qed tikkompeti ma’ kontestanti minn madwar 90 pajjiż minn madwar id-dinja.
Minbarra dan, hija ħadet ukoll il-premju ta’ Miss Personality.
Hija saħqet li żżomm mal-kampanja tagħha matul il-konkors, dwar il-vjolenza domestika, u se tkompli taħdem aktar minn qatt qabel biex wara li għaddiet minnha hi stess, tgħin lil tfajliet u ġuvintur li għaddejjin minnha jsibu l-kuraġġ u jfittxu l-għajnuna.
Michela Galea, li kienet qed tirrapreżenta l-Imġarr, ikklassifikat fit-tieni post filwaqt li Maxine Formosa, li kienet qed tirrapreżenta lil San Ġiljan, ikklassifikat fit-tielet post.
Anna, mara ta’ 62 sena u nanna ta’ tnejn, tirrakkonta dwar is-sofferenza li għaddiet minnha meta sfat vittma ta’ vjolenza domestika.
B’emozzjoni u uġigħ li għadha ġġorr magħha sal-lum, Anna tirrakkonta kif wara li sfat armla ta’ età żgħira, iltaqgħet ma’ xi ħadd li miegħu għall-ewwel kollox beda sejjer sew, saħansitra anki bdew jgħixu flimkien.
Wara biss ftit xhur, bdiet tara bidla kbira fil-partner tagħha. Bidla li wasslitha għal esperjenza qarsa ta’ vjolenza domestika li affettwata kemm fiżikament kif ukoll mentalment.
Hija tispjega kif darba waħda rat in-numru tal-helpline tal-YMCA fuq it-televiżjoni u ddeċidiet li ċċempel, u minnufih sabet l-għajnuna li tant kellha bżonn u li għadha tingħata sal-lum.
Bħal Anna hemm mijiet ta’ persuni oħrajn li għaddejjin minn esperjenzi simili u differenti ta’ kull tip ta’ abbuż.
Minkejja li Anna għamlet użu mill-helpline tal-YMCA, hemm ħafna oħrajn li mhux biss jagħmlu kuntatt permezz tal-helpline iżda jirrikorru għall-YMCA minħabba li għal xi raġuni jew oħra jispiċċaw bla saqaf fuq rashom.
Minbarra li l-YMCA tipprovdi l-għajnuna u sapport morali u psikoloġiku, tipprovdi wkoll shelter għal dawn il-persuni, iżda tant il-bżonn dejjem jiżdied aktar li waslu fi stat li ma jistgħux iżommu aktar nies minħabba problema ta’ spazju.
Għaldaqstant, għall-ewwel darba, għada 30 ta’ Mejju, il-YMCA se tkun qed ittella’ maratona ta’ ġbir ta’ fondi bit-tema ta’ soliDARjetà, sabiex tkun tista’ tkabbar Dar Niki Cassar u b’hekk ikollha aktar spazju biex tipprovdi l-għajnuna lil aktar vittmi.
Għada, minn nofsinhar sa nofsillejl, b’xandira fuq l-istazzjonijiet lokali kollha, int tista’ tkun parti minn din il-maratona.
Int tista’ turi soliDARjetà u tagħti sehmek permezz ta’ donazzjoni billi ċċempel fuq:
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
