by skoperta.net | 24/Apr/22 | Konf Taf?
Wara li ntemmet it-tieni edizzjoni ta’ Mużika Mużika, Franklin Calleja ħabbar fuq il-midja soċjali li l-kanzunetta Wennisni se tagħlaq il-kapitlu tiegħu fuq il-midja u qal li mil-lum ‘il quddiem se jħares lejn materjal ġdid mingħajr kompetizzjoni.
Franklin qal li jinsab kuntent li kien hemm min apprezza dak li għamel u l-abilità tal-vuċi. Huwa rringrazzja lil dawk li emmnu fih matul id-9 snin tal-karriera tiegħu u s-sapport tawh. Qal ukoll li l-mużika sabiħa u tgħaqqadna u għalhekk xorta se jibqa’ għaddej b’dak li jħobb mingħajr kompetizzjoni.
Huwa qal li l-festival Mużika Mużika kien festival prestiġjuż u ta’ skala għolja sostna li kien onorat li s-sehem tiegħu għall-aħħar darba kien f’festival bħal dan.
“Nawgura minn qalbi lil Kurt tar-rebħa, b’kanzunetta sabiħa immens”
Franklin Calleja
Franklin qal li se jimmisja l-kompetizzjoni iżda jemmen li l-kompetizzjoni mhix għalih. Żied jgħid li hu jemmen li m’għandux bżonn jiġi aktar iġġudikat fuq don li għandu minn opinjoni ta’ grupp ta’ nies.
Kompla jgħid li l-vuċi hija strument importanti ħafna għalih u se jibqa’ jaħdem għal karriera aħjar għax jixraqlu.
Fl-aħħarnett, huwa rringrazzja lil Emil Calleja Bayliss kif ukoll lil Cyprian Cassar li ħolqu l-kanzunetta Wennisni.
by skoperta.net | 15/Mar/22 | L-Aħħar Aħbar
Skont rapporti mill-uffiċċju meteoroloġiku, mistennija ġranet b’temp xitwi u riħ aktar qawwi fil-jiem li ġejjin.
Il-kuntrast bejn firxa qawwija ta’ pressjoni għolja fuq l-Ewropa ta’ Fuq u sistema ta’ pressjoni baxxa fuq l-Afrika ta’ Fuq mistenni jġib riħ b’qawwa ta’ riefnu f’Malta u Għawdex.
by skoperta.net | 14/Mar/22 | Tagħrif
Kull gwerra tħalli effetti diżastrużi, primarjament fit-telfiet tal-ħajja ta’ diversi persuni. Effett ieħor tal-gwerra huwa wkoll fuq l-ekonomija kemm dak tal-pajjiżi li direttament huma affettwati mill-gwerra u anke ta’ pajjiżi li indirettement ukoll jiġu affettwati.
Il-gwerra fl-Ukrajna ġiet fiż-żmien fejn pajjiżi diġà bdew jesperjenzaw inflazzjoni għolja ikkawżata mill-effett tal-Covid. Fl-Ewropa, l-inflazzjoni s-sena l-oħra kienet kwazi 3%, rata li ilha ma tiġi reġistrata għal aktar minn għaxar snin. Bl-effett tal-gwerra fl-Ukrajna, l-inflazzjoni mistennija tiżdied ħafna iktar. Ir-raġuni primarjament hija minħabba l-importanza tar-Russja fl-ekonomija globali kif ukoll tal-Ukrajna.
Biss biss, mill-aspett ta‘ enerġija, kwazi 40% mill-elettriku fl-Ewropa huwa ġenerat mill-fossil fuels u l-ikbar sors ta‘ gass u żejt ġej mir-Russja. Iċ-ċaqliq fil-kwantità tirrifletti fil-prezzijiet taż-żejt, tant hu hekk li l-prezz taż-żejt beda jeskala b’rata allarmanti. Dan iċ-ċaqliq jiġi rifless ukoll fil-prezzijiet tad-dawl li jħalli impatt qawwi fuq l-enterpriżi kif ukoll familji, partikolari dawk li huma l-aktar vulnerabbli. Sfortunatement l-Ewropa għadha ma ddiversifikatx biżżejjed is-settur tal-energija u b‘hekk id-dipendenza fuq ir Russja għadha wisq gholja.
L-effett fuq l-ekonomija mistenni jinħass ukoll fuq l-ikel. L-Ukrajna tipproduċi l-akbar volum ta’ sunflower oil u r-Russja t-tieni l-akbar produzzjoni. Bejniethom it-tnejn jipproduċu madwar 60% mill-ammont globali. Dawn iż-żewġ pajjiżi jesportaw ukoll kwazi 30% mill-qamħ globali. Hekk kif il-produzzjoni tieqaf minħabba il-gwerra, il-prezzijiet ta’ dawn il prodotti kif ukoll prodotti li jiddependu fuqhom, bħal ħalib u għaġin, mistennija jiżdiedu sostanzjalment ukoll.
L-effett tal-inflazzjoni, u b’hekk l-għoli tal-ħajja, tirriżulta wkoll fit-tnaqqis ta’ konsum u ta’ investiment: żewġ pilastri tal-ekonomija. Hekk kif il-konsum u l-investiment jonqos minħabba ż-żieda fil-prezzijiet kif ukoll minħabba l-inċertezza globali, l-ekonomija tibda tistagħġna u minflokk tikber tibda tiċkien. Dan jispiċċa jirrifletti fi problemi għall-impjiegi kif ukoll id-dħul għall-ekonomiji.
Għalhekk l-effett ta’ din il gwerra mistenni jkun dirett u indirett kif ukoll effetti ta’dak li huwa immedjat u dak li glad irid jinħass għat-tul ta’ żmien. It-tama hi li s-soluzzjonijiet ma jdumux ma jinstabu u li l-għajnuna tingħata diretta u kif meħtieġa, partikolarment għal min ikun l-aktar affettwat.
by skoperta.net | 18/Jan/22 | Ġrajjiet, Kurrenti
Mument li ċertament spikka u qajjem diversi reazzjonijiet mill-pubbliku kien il-mument li l-Prim Ministru Robert Abela ltaqa’ ma’ Roberta Metsola fuq ir-red carpet fi Strasburgu.
Il-Prim Ministru Robert Abela u Roberta Metsola dehru jilqgħu u jgħannqu lil xulxin hekk kif iltaqgħu qabel ċerimonja li saret iddedikata lill-eks President tal-Parlament Ewropew David Sassoli.
Dan il-mument spikka partikolarment għall-fatt li fil-passat, Roberta Metsola iffaċċjat kritika qawwija minn diversi uffiċjali għolja tal-Partit Laburista, li wħud minnhom saħansitra sejħulha anke traditura.
Fuq il-midja soċjali, bosta esprimew reazzjoni pożittiva għal dan il-mument filwaqt li oħrajn ikkummentaw li din kienet biss mossa ta’ propoganda.
by skoperta.net | 18/Jan/22 | L-Aħħar Aħbar
Proprju f’għeluq sninha Roberta Metsola ġiet eletta bħala l-president tal-Parlament Ewropew, b’maġġoranza ta’ 458 vot.
Din hija kisba storika mhux biss għaliex Roberta Metsola se tkun l-iżgħar President li qatt kien hemm, iżda wkoll għax hija l-ewwel Maltija li se tkun qed tokkupa kariga daqshekk għolja fix-xena internazzjonali.
Hija kienet fost erba’ kandidati għall-kariga, flimkien mal-Ispanjola Sira Rego, il-Pollakk Kosma Zlotowski u l-Iżvediża Alice Bah Kuhne.
Alice kienet l-eqreb konkorrent, li kisbet 101 vot filwaqt li Sira kisbet 58 vot.
Roberta Metsola ilha MPE mill-2013 u viċi president tal-parlament mill-2020. Riċentament hija ħadet ir-rwol ta’ President wara li David Sassoli kien nieqes għal diversi ġimgħat minħabba mard.
