Select Page
Ir-Reġina tneħħi t-titli militari u l-patroċinji rjali tal-Prinċep Andrew

Ir-Reġina tneħħi t-titli militari u l-patroċinji rjali tal-Prinċep Andrew

Jitneħħew it-titli militari u l-patroċinji kollha tal-Prinċep Andrew, u mhux se jibqa’ jiġi indirizzat bħala “His Royal Highness”.


Fi stqarrija, Buckingham Palace qal li bl-approvazzjoni u l-qbil tar-Reġina, l-affiljazzjonijiet militari u l-patroċinji rjali tad-Duka ta’ York ġew ritornati lir-Reġina.

Ir-rwoli tal-Prinċep Andrew issa se jiġu mqassma mill-ġdid lil membri oħra tal-Familja Rjali u mhux se jiġu rritornati lid-Duka ta’ York.

Buckingham Palace qal ukoll li d-Duka ta’ York se jkompli jiddefendi l-każ bħala ċittadin privat.

Id-Duka ta’ York qed jiffaċċja kawża ċivili fl-Istati Uniti fuq allegazzjonijiet ta’ abbuż sesswali. Huwa qed jiġi mfittex minn Virginia Giuffre, li qabel kienet magħrufa bħala Virginia Roberts, li qed issostni li kkommetta abbuż sesswali fuqha meta kienet adolexxenti.

Hija qed tallega li ġiet traffikata minn Jeffrey Epstein biex ikollha x’taqsam sesswalment mal-Prinċep Andrew meta kellha 17-il sena.

Il-Prinċep Andrew ċaħad l-akkużi miġjuba kontrih.

Mossa oxxena mill-akkużat qattiel ta’ Paulina Dembska huwa u dieħel il-Qorti

Mossa oxxena mill-akkużat qattiel ta’ Paulina Dembska huwa u dieħel il-Qorti

Illejla Abner Aquilina, żgħażugħ ta’ 20 sena, tressaq il-Qorti fuq akkużi ta’ stupru u qtil ta’ Paulina Dembska.

Huwa u dieħel il-Qorti għamel mossa oxxena fejn deher joħroġ subgħajh tan-nofs.

Aquilina wieġeb li mhuwiex ħati iżda ma ntalab l-ebda ħelsien mill-arrest. Madankollu ġie mitlub biex l-akkużat jinżamm fl-isptar Monte Karmeli u mhux jintbagħat il-ħabs.

B’reazzjoni għal dan, il-Qorti saħqet li l-akkużat għandu jiġi eżaminat mill-aktar fis possibbli, biex b’hekk id-direttur tal-ħabs ikun jista’ jiddeċiedi fejn għandu jinżamm.

F’konferenza tal-aħbarijiet li saret aktar kmieni, il-pulizija qalet li għadha trid tistabilixxi jekk l-istupru seħħx qabel jew wara li l-vittma ġiet maqtula.

Enable Notifications    OK No thanks