Select Page
Jispikka mument bejn il-Prim Ministru Robert Abela u Roberta Metsola

Jispikka mument bejn il-Prim Ministru Robert Abela u Roberta Metsola

Mument li ċertament spikka u qajjem diversi reazzjonijiet mill-pubbliku kien il-mument li l-Prim Ministru Robert Abela ltaqa’ ma’ Roberta Metsola fuq ir-red carpet fi Strasburgu.

Il-Prim Ministru Robert Abela u Roberta Metsola dehru jilqgħu u jgħannqu lil xulxin hekk kif iltaqgħu qabel ċerimonja li saret iddedikata lill-eks President tal-Parlament Ewropew David Sassoli.

Dan il-mument spikka partikolarment għall-fatt li fil-passat, Roberta Metsola iffaċċjat kritika qawwija minn diversi uffiċjali għolja tal-Partit Laburista, li wħud minnhom saħansitra sejħulha anke traditura.

Fuq il-midja soċjali, bosta esprimew reazzjoni pożittiva għal dan il-mument filwaqt li oħrajn ikkummentaw li din kienet biss mossa ta’ propoganda.

Filmat: Il-Kalakku b’kanzunetta kontra l-vjolenza domestika fuq in-nisa

Filmat: Il-Kalakku b’kanzunetta kontra l-vjolenza domestika fuq in-nisa

Ftit tal-jiem ilu, il-kantant Matthew Attard magħruf bħala Il-Kalakku nieda kanzunetta ġdida b’messaġġ pjuttost b’saħħtu u dirett.

Mara, kanzunetta miktuba minn Matthew stess, tittratta l-vjolenza domestika fuq in-nisa u t-tbatija, ħafna drabi fis-silenzju, li jgħaddu minnha.

Meta staqsejna lil Matthew x’kien li wasslu biex jikteb kanzunetta bħal din, qalilna li kien il-fatt li minkejja li hawn ħafna għarfien kontra l-vjolenza domestika, xorta jibqgħu jiġru każijiet u traġedji u għaldaqstant kiteb il-kanzunetta bit-tama li l-messaġġ tagħha jkun aktar effettiv.

Il-kanzunetta hija ddedikata għal dawk kollha li b’xi mod jew ieħor sfaw vittma ta’ vjolenza domestika, u dawk li tilfu wkoll ħajjithom, riċentament Paulina Dembska.

Jispikka wkoll il-messaġġ minn Matthew fl-aħħar tal-filmat, li ġie rrekordjat minn Gilkicker Music u ffilmjat minn Marlon Polidano, fejn ġibed ukoll l-attenzjoni li s-sitwazzjoni tista’ tkun ukoll viċi versa.

Enable Notifications    OK No thanks