by skoperta.net | 07/May/23 | Konf Taf?, Mużika, Personalitajiet
L-imħabba li Josuel Grech għandu għall-kantant ta’ fama mondjali, Elvis Presley magħruf bħala r-Re tar-Rock and Roll, wasslitu biex jirbaħ il-kompetizzjoni bl-isem ta’ Mr. Songman, f’Londra.
F’kitba fuq il-paġna ta’ Facebook tiegħu, josuel Grech, li huwa wieħed mill-aqwa impersonaturi ta’ Elvis Maltin qal li din hija l-passjoni ta’ ħajtu u jħossu kuntent ħafna li jista’ jaqsam l-imħabba tiegħu għal Elvis mad-dinja u jimxi fuq il-passi tiegħu.
Huwa kompla billi rringrazzja gost oħrajn lit-tfajla tiegħu li dejjem temmen fih u tkun ta’ spalla għalih kif ukoll lill-ġenituri u l-familja tiegħu li dejjem jissapportjawh. “Għallmuni naħdem ħafna, inkun umli u ma naqta’ qalbi qatt mill-ħolm tiegħi. Huma r-raġuni li wasalt s’hawn illum.”
Josuel feraħ ukoll lill-kontestanti l-oħra li kienu parti minn din il-kompetizzjoni.
F’isem it-tim ta’ Skoperta, nawguraw lil Josuel aktar suċċessi fil-futur.
by skoperta.net | 21/May/22 | Televiżjoni, Varjetà
Il-mużiċist Luke Vella Clark u l-mara tiegħu, l-attriċi Maria Laura, il-kantanti Fabrizio Faniello, Martina Fenech, Josuel Grech, Michela Galea u Glen Vella se jkunu fost il-mistiedna ewlenin fil-programm tal-lejla ta’ The Entertainers, il-varjetà televiżiva tas-Sibt filgħaxija, li jixxandar fuq Net TV, kull nhar ta’ Sibt fit-20.30.
Bi preżentazzjoni ta’ Victorio Gauci din il-ġimgħa The Entertainers iwasslilkom sagħtejn u nofs ta’ spettaklu b’divertiment garantit flimkien mal-band residenti mmexxija minn Mark Spiteri Lucas u bosta artisti mistiedna. Fuq kollox ir-rebħ ta’ rigali kbar u mill-isbaħ.
Minn dan l-istaġun The Entertainers qed jiċċelebra memorji minn deċennji li għaddew u li llum huma biss tifkiriet. F’dan il-programm imiss is-snin 70 u s-snin 90.
Minbarra l-mużika, l-ingredjenti ewlenin wara s-suċċess tal-programm, ikompli l-logħob bejn il-mistiedna li żgur għandhom iqanqlu tbissima fuq fomm it-telespettatri.
Din il-ġimgħa jkompli s-semifinali tas-seba’ edizzjoni ta’ The Entertainers Singing Challenge.
Attrazzjonijiet oħra jinkludu l-Cocktail Bar ma’ James Aquilina.
