by skoperta.net | 30/Jun/22 | L-Aħħar Aħbar
L-eks Prim Ministru Joseph Muscat inħatar bħala ċ-Chairman ta’ assoċjazzjoni li tirrappreżenta l-klabbs tal-futbol professjonali ta’ Malta, minkejja li nofs il-presidenti tal-klabbs tal-futbol professjonali ta’ Malta ma vvutawx favurih.
L-aħbar ġiet ikkonfermata mill-Malta Professional Football Clubs Association.
Fi stqarrija, l-MPFCA qalet li l-klabbs tal-Premier League ħatru lil Joseph Muscat bħala Chairman tal-Malta Professional Football Clubs Association, u li se jkun qed imexxi l-MPFCA biex jiġu implimentati riformi li se jwasslu biex tiġi ffurmata organizazzjoni li tmexxi l-Premier League b’mod separat mill-Malta Football Association (MFA), bi ftehim mall-MFA, skont l-istess strategija tal-MFA.
Il-klabbs ħadu vot sigriet bir-riżultat ikun 7 voti favur, 4 voti kontra u 3 astensjonijiet. B’hekk il-vot għadda u ġie aċċettat mill-klabbs kollha.
L-MPFCA qalet li l-bidliet li se jiddaħħlu għandhom iwasslu biex il-Premier League isir aktar professjonali u sostenibbli, jattira aktar nies bħala spettaturi fl-istadiums u fuq it-televiżjoni, ikun hemm aktar solidarjetà u investiment fil-players żgħażagħ, ikun hemm aktar involviment ta’ nisa fit-tmexxija, u biex il-klabbs Maltin isiru aktar kompetittivi fuq livell Ewropew.
Min-naħa tiegħu, Joseph Muscat, filwaqt li rringrazzja lill-klabbs tal-Premier League għall-ħatra tiegħu, wiegħed riforma għall-Malta Premier League.
by skoperta.net | 23/Dec/21 | L-Aħħar Aħbar
F’konferenza tal-aħbarijiet li saret ftit tal-ħin ilu, l-awtoritajiet tas-saħħa ħabbru li nstabu l-ewwel każijiet ġodda tal-varjant Omicron f’Malta.
Tħabbru wkoll miżuri ġodda:
- L-avvenimenti sportivi jistgħu jkomplu mingħajr spettaturi.
- Mis-17 ta’ Jannar iċ-ċertifikati tat-tilqim se jkunu validi għal tliet xhur għal dawk li ħadu t-tieni doża u validi għal 9 xhur oħra wara t-tielet tilqima. Nies li ma jieħdux il-booster mhux se jkollhom ċertifikat validu tat-tilqim wara t-tieni doża.
- Mis-17 ta’ Jannar, bars, ristoranti, klabbs, gyms, pools u spas, casinos, gaming halls, ċinema, teatri u postijiet sportivi se jkunu miftuħa biss għal dawk li għandhom ċertifikat validu ta’ tilqim.
- Mit-Tnejn li ġej, l-avvenimenti bilwieqfa mhux se jibqgħu permessi. Jistgħu jsiru biss avvenimenti bilqiegħda, bl-uniċi eċċezzjonijiet ikunu t-tiġijiet u l-funerali, fejn il-protokolli jibqgħu fis-seħħ.
- L-istabbiliment kollha jridu jagħlqu sas-1 ta’ filgħodu.
- Il-ħinijiet taż-żjarat fl-isptarijiet se jitnaqqsu.
by skoperta.net | 30/Nov/21 | Ġrajjiet, Kurrenti
Cristiano Ronaldo jgħid li l-editur ta’ France Football Pascal Ferré gideb meta qal li l-attakkant Portugiż qallu bl-ambizzjoni tiegħu li jirtira b’aktar blalen tad-deheb minn Lionel Messi
Ferré, li jorganizza l-premjijiet, tkellem mal-gazzetta New York Times qabel iċ-ċerimonja ta’ din is-sena fejn ġie rrappurtat li żvela informazzjoni minn konverżazzjoni privata ma’ Ronaldo.
Skont in-New York Times, Ferré sostna li Ronaldo qallu li l-unika ambizzjoni li għandu hi li jirtira b’aktar blalen tad-deheb minn Messi.
B’reazzjoni għal dan, Ronaldo qal li Pascal Ferré gideb, u li uża ismu biex jippromwovi lilu nnifsu u biex jippromwovi l-pubblikazzjoni li jaħdem għaliha.
Żied jgħid li huwa dejjem jirbaħ għalih innifsu, għall-klabbs li jirrappreżenta u għal min iħobbu, u mhux jirbaħ kontra xi ħadd. Qal ukoll li l-akbar ambizzjoni tal-karriera tiegħu hija li jħalli ismu miktub b’ittri tad-deheb fl-istorja tal-futbol dinji.
by Dr Claire Azzopardi Lane | 19/May/21 | Riflessjonijiet, Varjetà
Huwa fatt li s-soċjetà ma taħsibx li n-nisa b’diżabilità jistgħu jkunu wkoll ommijiet. Ommijiet b’diżabilità jsostnu li l-bżonnijiet tagħhom bħala ġenituri b’diżabilità ma jintlaħqux kif meħtieġ ladarba jkunu saru ġenituri, u li s-soċjetà tonqos milli tipprovdi servizzi neċessarji li huma aċċessibbli għal ġenituri b’diżabilità.
L-aċċessibilità fiżika ilha kwistjoni universali għal għexieren ta’ snin, iżda ommijiet b’diżabilità għadhom ħafna drabi jsibu li wara li jkollhom it-tarbija, ħafna mill-affarijiet li huma mistennija jagħmlu bħala omm mhumiex aċċessibbli. Eżempji ta’ postijiet u servizzi inaċċessibbli jvarjaw minn postijiet ta’ proprjetà privata użati bħala klabbs tal-ommijiet u tat-trabi għal postijiet użati għas-servizzi mmexxija mill-istat.
Perċezzjonijiet soċjali jistgħu saħansitra jikkunsidraw persuni b’diżabilità li jeżistu barra l-konfini tar-riproduzzjoni. Perċezzjonijiet bħal dawn iduru madwar perċezzjonijiet ta’ inkapaċità dwar ommijiet b’diżabilità li jrabbu tarbija u l-inkompetenza preżunta tagħhom, u b’hekk ma jilħqux il-punti ta’ riferiment ideali ta’ ġenituri.
L-Artiklu 23 tal-Konvenzjoni tan-Nazzjonijiet Uniti dwar id-Drittijiet ta’ Persuni b’Diżabilità japprova d-dritt li ssir ġenitur u trabbi familja, filwaqt li l-Istrateġija Nazzjonali tagħna dwar id-Diżabilità tirrikonoxxi li dan is-suġġett ilu “meqjus tabù għal żmien twil wisq issa”.
Kap tad-Dipartiment tal-Istudji dwar id-Diżabilità,
fi ħdan il-Fakultà għall-Benessri Soċjali tal-Università ta’ Malta,
li tagħha hija wkoll Viċi Dekan.
