Waqt l-episodju ta’ Love Island Malta tal-bieraħ ħarġu diversi emozzjonijiet u rajna xi ftit jew wisq tibdil li ħafna ma kinux qed jistennew.
Ir-relazzjoni ta’ bejn waħda mill-koppji li rċevew l-inqas ammont ta’ voti mill-pubbliku, Nicola u Dale, ħadet direzzjoni differenti hekk kif ħafna kienu ilhom jistennew, u anki wara pariri ta’ wħud minn sħabha l-kontestanti, Nicola ffaċċjat lil Dale dwar dak li qed idejjaqha u li taħseb li hu ħażin.
Waqt li l-kwistjonijiet ta’ Nicola u Dale għadhom mhux solvuti, b’Nicola tiddeċiedi li tkun miftuħa għal għażliet oħra, wasal il-mument għall-premju tal-isfida tal-bews.
Il-premju għal Nicola, li rebħet din l-isfida, kien li tagħżel kontestant li mhuwiex f’koppja magħha biex imorru lunch date, u Nicola għażlet lil Andriy!
Evidentament, dawn it-tnejn marru tajjeb ħafna flimkien. B’Nicola, tistqarr miegħu sentimenti lejh li ma kinitx uriet qabel.
Spikka wkoll l-entużjasmu ta’ sħabha t-tfajliet dwar din il-fjamma li donnha qed titkebbes!
Imbagħad wasal il-mument tar-recoupling! Din id-darba kien imiss lin-nies li jagħmlu l-għażliet tagħhom. Madankollu, minħabba li Timmy huwa l-aħħar kontestant li daħal bħala bombshell, ingħata ċ-ċans li jagħżel hu qabel kulħadd.
Mument ta’ tensjoni fost uħud mill-kontestanti qabel ma Timmy għażel lil Shanise. Għalkemm huma wkoll għandhom kwistjonijiet għaddejjin li għadhom ma solvewx, Gabby għal darb’oħra reġgħet għamlet lil Sven. Marie Christine għażlet lil Kyle u Chelsea għażlet lil Allen.
Fadal biss Nicola biex tagħmel l-għażla tagħha bejn żewġ kontestanti, Dale u Andriy.
Lil min taħseb li se tagħżel Nicola? U kieku int lil min tagħżel?
Fost diversi reazzjonijiet li qanqal l-episodju ta’ Love Island Malta tal-bieraħ, kien hemm dawk dwar l-għażla ta’ Kyle!
L-għażla ta’ Kyle żgur li ma kinitx sorpriża għas-segwaċi, hekk kif għażel lil Marie Christine.
Iżda din l-għażla qajmet bosta reazzjonijiet fost is-segwaċi. Filwaqt li ħafna kienu sorpriżi dwar ir-reazzjoni ta’ Marie Christine minħabba li kienet ilha turi l-interess tagħha f’Kyle, oħrajn qed jiddubitaw kemm din l-għażla se twassal biex tinbet relazzjoni romantika bejn il-koppja.
Il-koppji l-oħra li ġew iffurmati s’issa bl-għażla tal-ġuvintur huma Dale u Nicola u Sven u Gabrielle.
Int x’taħseb dwar l-għażla ta’ Kyle? Taħseb li l-konnessjoni ma’ Marie Christine hija bħal dik li kellu ma’ Sabrina?
Filmat imtella’ fuq il-pjattaformi tal-midja soċjali ta’ Love Island Malta juri lil Kyle jagħti l-ewwel kummenti tiegħu wara li Sabrina telqet mill-villa ta’ Love Island Malta.
Kemm bħala koppja kif ukoll bħala personalitajiet individwali, Kyle u Sabrina huma fost il-favoriti tas-segwaċi ta’ Love Island Malta.
Dik li huma dejjem sejħu bħala ħbiberija, li nibtet fl-ewwel ġimgħa ta’ dan il-programm ġibdet is-simpatija ta’ ħafna, tant li t-tluq ta’ Sabrina mill-villa kien ta’ diżappunt u qabbeż ukoll xi demgħa!
Fil-filmat, Kyle qal li Sabrina kienet l-iktar waħda li żżomhom magħqudin. Minbarra li kienu jidħlu ħafna, qal li Sabrina kienet kapaċi tisma’ ħafna, u issa li hemm wisq vojt mingħajrha.
“Nispera li kuntenta bid-deċiżjoni li ħadet, jekk hekk kien hemm bżonn. Nemmen ħafna bid-destin u forsi anki għalija, hemm xi ħaġa aħjar tistennieni wara din tal-lum,” stqarr Kyle.
Sabrina, kun af li wara li noħroġ minn hawn, mill-ewwel ħa niġi nfittxek, ħa nsibek, ħa nitkellmu, ħa nara li int orrajt u li kienet l-aħjar deċiżjoni.
Fil-messaġġ li wassal lil Sabrina, Kyle qalilha wkoll li fil-villa kullħadd iħobbha ġenwinament, inkluż hu.
Kyle irringrazzja wkoll lil Sabrina u qalilha li kieku ma kienx hemm hi fil-bidu ta’ din l-avventura ma jafx jekk kienx jirnexxilu jagħmilha.
Mument emozzjonanti u li żgur ħadd ma stenna waqt Love Island Malta.
Wara li l-pubbliku vvota għal Kyle u Sabrina bħala waħda mill-koppji favoriti, flimkien ma’ Gabrielle u Sven, u marru għall-ewwel date tagħhom, Sabrina ddeċidiet li titlaq mill-villa.
Żgur li s-segwaċi ta’ Love Island Malta, partikolarment dawk li kienu ħerqana sabiex jaraw kif se tkompli tiżviluppa r-relazzjoni ta’ din il-koppja, qabżitilhom xi demgħa jew tnejn!
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
