Il-mobilizzazzjoni parzjali Russa wasslet għal diversi protesti u titjiriet tal-ajru ‘sold out’

Il-mobilizzazzjoni parzjali Russa wasslet għal diversi protesti u titjiriet tal-ajru ‘sold out’

by | 22/Sep/22 | Ġrajjiet, Kurrenti

Hekk kif Vladimir Putin ħabbar il-mobilizzazzjoni parzjali, diversi protesti qed joħonqu t-toroq u l-pjazzez ta’ Moska u ta’ San Pietruburgu, ġewwa ir-Russja. Apparti dan ħafna Russi qegħdin f’ġirja mal-ħin biex jippruvaw jitilqu minn pajjiżhom.

Vladimir Putin ilbieraħ ħabbar il-mobilizzazzjoni parzjali ta’ 300,000 persuna; li mmarkat it-tranżizzjoni mill-hekk imsejħa operazzjoni militari “speċjali” għal dikjarazzjoni formali ta’ gwerra, kif meħtieġ mil-liġi Russa. Dan kien l-ewwel darba tar-Russja mit-Tieni Gwerra Dinjija ‘l hawn.

Huwa enfasizza li l-għanijiet fl-Ukrajna ma nbidlux, iżda l-mobilizzazzjoni kienet meħtieġa minħabba li l-Punent “qabeż il-linji kollha” billi pprovda armi sofistikati lill-Ukrajna. Huwa sostna li l-għan prinċipali tal-Punent hu li “jdgħajjef, jaqsam u jeqred lir-Russja”.

Dan wassal għal diversi protesti fir-Russja. Skont il-grupp indipendenti Russu tal- monitoraġġ tal-protesti OVD-Info, aktar minn nofs id-dimostranti arrestati lbieraħ huma nisa. Dan il-grupp qed jistma li aktar minn 1,300 persuna, fosthom disa’ ġurnalisti u 33 minorenni, inżammu arrestati s’issa.

Apparti dawn il-protesti, it-tħabbira ta’ Putin, wasslet biex diversi nies qed jippruvaw jaħarbu mill-pajjiz. Ħafna kienu li marru jaqtgħu l-biljetti tal-ajru, tant li għexieren ta’ ajruplani qed jitilqu minn Moska u San Pietruburgu. Diversi nies oħrajn qed isibu t-titjiriet mibjugħajn kollha, dan għal fatt li huma għandhom ftit destinazzjonijiet fejn imorru bħat-Turkija, l-Eġittu, l-Emirati Għarab Magħquda, il-Qatar, is-Serbja, l-Iżrael. Apparti dan, il-prezzijiet tal-biljetti ttripplaw, f’xi każi żdiedu b’għoxrin darba fil-lejl bejn l-20 u l-21 ta’ Settembru.

Putin jitfa’ l-ħtija fuq il-pajjiżi tal-Punent u n-NATO għall-gwerra fl-Ukrajna

Putin jitfa’ l-ħtija fuq il-pajjiżi tal-Punent u n-NATO għall-gwerra fl-Ukrajna

by | 09/May/22 | Ġrajjiet, Kurrenti

Il-President Russu Vladimir Putin iddefenda l-invażjoni tar-Russja fl-Ukrajna fid-diskors annwali tiegħu ta’ dan il-jum ferm sinifikanti għall-pajjiż, u ħeġġeġ lill-forzi tiegħu għar-rebħa filwaqt li fakkar ir-rebħa tar-Russja fuq il-Ġermanja Nażista fit-Tieni Gwerra Dinjija.

Putin sostna li l-invażjoni tar-Russja tal-Ukrajna kienet meħtieġa minħabba li skont hu, il-Punent kien qed jipprepara għal invażjoni f’arthom, inkluża l-Krimea,” skont kummenti tradotti minn Reuters.

Mhux ċar jekk Putin kienx qed jirreferi għar-Russja, jew territorju li Moska tqis bħala Russu. Dan jinkludi l-Krimea, li annesset mill-Ukrajna fl-2014, u r-reġjun ta’ Donbas tal-Lvant, fejn jinsabu Donetsk u Luhansk, żewġ “repubbliki” awtoproklamati favur ir-Russja

Putin ma pprovda l-ebda evidenza għall-allegazzjonijiet tiegħu, iżda uża d-diskors biex jitfa’ l-ħtija fuq l-alleati tan-NATO u tal-Ukrajna, u jiġġustifika dak li r-Russja ssostni li hija “operazzjoni militari speċjali” fl-Ukrajna.

Qabel l-invażjoni, ir-Russja kienet ġabret kważi 200,000 suldat tul il-fruntiera tagħha mal-Ukrajna, saħqet il-ħin kollu li ma kellha l-ebda intenzjoni li tinvadi. Ftit kien hemm evidenza taʼ aggressjoni militari mill-Ukrajna lejn ir-Russja, iżda t-talbiet ta’ Moska għall-kuntrarju kienu meqjusa minn ħafna bħala skuża biex jiġġustifikaw l-attakk tagħha.

Ir-rimarki saru hekk kif ir-Russja tfakkar wieħed mill-aktar avvenimenti importanti fil-kalendarju nazzjonali tagħha, il-jum li ​​jimmarka r-rebħa tal-Unjoni Sovjetika fuq il-Ġermanja Nażista fit-Tieni Gwerra Dinjija.

Fid-diskors tiegħu nhar it-Tnejn, Putin ħeġġeġ lill-armata Russa lejn ir-rebħa fl-Ukrajna, u qal li kien hemm dmir li wieħed jiftakar lil dawk li għelbu n-Nażiżmu.

“Li niddefendu l-Patrija meta d-destin tagħha jkun qed jiġi deċiż dejjem kienet sagra,” qal. “Illum qed tiġġieldu għan-nies tagħna f’Donbas, għas-sigurtà tar-Russja, art twelidna.”

Kien mistenni ħafna li Putin seta’ juża d-diskors biex iħabbar rebħa fl-Ukrajna jew gwerra sħiħa fuq il-pajjiż. Possibbiltà oħra kienet saħansitra l-mobilizzazzjoni tal-massa tal-armata Russa u popolazzjoni usa’, li tpoġġihom fuq bażi ta’ żmien il-gwerra. Putin ma użax id-diskors biex iħabbar xi eskalazzjoni, madankollu, ir-retorika tiegħu kontra l-Punent kienet soda daqs qatt qabel.

Putin irrefera għad-Donbas bosta drabi matul id-diskors, u deher jinsisti fuq l-istrateġija l-ġdida tar-Russja li tiffoka fuq il-“liberazzjoni” ta’ Donetsk u Luhansk.

Ir-reġjun sofra mill-aktar ġlied intens minn meta r-Russja invadiet l-Ukrajna fl-24 ta’ Frar.

Enable Notifications OK No thanks