Agnes Gonxha Bojaxhiu twieldet nhar is-26 ta’ Awwissu tal-1910 għand familja Kattolika Albaniża fi Skopje, illum parti mill-Maċedonja.
Bħala tifla kienet involuta ħafna fl-attivitajiet tal-parroċċa, u ommha qaltilha ħafna stejjer ta’ missjunarji, li ispirawha ħafna. Fl-1931 iż-żagħżugħa Ineż ħadet l-ewwel voti mal-ordni missjunarja tas-Sorijiet ta’ Loreto f’Dublin, l-Irlanda. L-isem mogħti lilha kien dak ta’ Swor Marija Tereża tal-Bambin Ġesù, dan minħabba għad-devozzjoni tagħha lejn il-qaddisa ta’ Lisieux.
Bħala soru żgħira fl-1929 vjaġġat lejn Kalkutta (illum magħrufa bħala Kolkata), l-Indja, fejn għallmet ġewwa diversi skejjel fl-Indja għal 20 sena. Kien matul dak iż-żmien li tqanqlet ħafna bin-numru ta’ nies morda u li kienu qed imutu fit-toroq.
Fl-10 taʼ Settembru, 1946, waqt li kienet qed tivvjaġġa bil-ferrovija lejn Darjeeling, Santa Tereża esperjenzat “sejħa fi ħdan sejħa.” Hija ħasset sejħa biex tkun l-imħabba ta’ Alla fl-azzjoni: fi kliem iehor, taqdi l-morda u l-moribondi, dawk li jsofru l-ġuħ u dawk ta’ bla saqaf fuq rashom.
Wara li telqet mill-kunvent ta’ Loreto ħadet taħriġ mediku u saret determinata li taqdi lill-ifqar fost il-foqra. Fl-1950 hija waqqfet ordni ta’ nisa reliġjużi msejħa Missjunarji tal-Karità, li matul iż-żmien bnew diversi ċentri madwar id-dinja.
Fl-1979 Madre Tereża, kif kienet magħrufa sa dak iż-żmien, irċeviet il-Premju Nobel għall-Paċi. Il-messaġġ sempliċi tagħha kien: “Aħna mqiegħda fuq l-art biex nagħmlu xi ħaġa sabiħa għal Alla.”
Madre Tereża mietet f’Kalkutta nhar il-5 ta’ Settembru 1997, fl-eta ta’ 87 sena. Hija ġiet ibbeatifikat fid-19 ta’ Ottubru tal-2003, fejn dan il-proċess kien l-iqsar wieħed fl-istorja tal-knisja moderna. Hija ġiet ikkanonizzata mill-Papa Franġisku fl-4 ta’ Settembru 2016.
Waħda mill-kwotazzjonijiet famużi ta’ Madre Tereża hija “Il-paċi tibda bi tbissima.” Illum il-ġurnata l-paċi qed tintalab ħafna minħabba dak li qed tgħaddi minnu d-dinja. Allura, ejjew nibdew nippromwovu l-paċi billi nitbissmu lil ħaddieħor.
Illum tingħata l-aħħar tislima lill-konsulent tant maħbub Dr Victor Calvagna.
Tista’ ssegwi virtwalment b’mod dirett iċ-ċelebrazzjoni tal-ħajja tiegħu li se ssir fil-Bażilika ta’ Marija Assunta fil-Mosta, fit-15:30.
Dr Victor Calvagna miet fl-4 ta’ Jannar fl-età ta’ 63 sena wara li kien sofra minn ġrieħi gravi wara li ttajjar minn karozza fil-Qawra. Huwa kien ilu tmint ijiem jissielet għal ħajtu fit-Taqsima tal-Kura Intensiva fl-isptar Mater Dei.
Il-mewt tiegħu kienet telfa kbira mhux biss għall-familja u dawk qrib tiegħu iżda għall-eluf ta’ nies li xi darba jew oħra Dr Calvagna għamel impatt f’ħajjithom.
Bosta esprimew il-gratitudni lejn dan il-Konsulent li kien għalihom kien pilastru mhux biss mediku iżda wkoll mill-aspett morali.
Dr Calvagna ħa l-ispeċjaliżżazzjoni tiegħu ġewwa r-Royal Marsden Hospital, l-Ingilterra u kien l-ewwel konsulent Malti tat-tfal morda bil-kanċer.
Waħda mit-traġedji li bħalissa qiegħdin fuq fomm kulħadd hija dik li wasslet għat-telfa kbira mhux biss għall-familja tiegħu u dawk qrib tiegħu, iżda wkoll għall-pajjiżna, partikolarment dawk il-pazjenti kollha li xi darba jew oħra kellhom kuntatt ma’ Dr Calvagna.
Victor Calvagna, Konsulent tat-tfal morda bil-kanċer u President ta’ Puttinu Cares, miet fl-età ta’ 63 sena, ġimgħa wara li ttajjar minn karozza.
Il-mewta traġika tiegħu qajmet reazzjonijiet u emozzjonijiet ta’ diqa, dispjaċir, u forsi anki ta’ rabja, iżda qajmet ukoll reazzjonijiet ta’ mħabba, apprezzament u gratitudni lejn dan il-bniedem li ddedika ħajtu għal dawk li kienu jiġu bżonn is-servizz tiegħu.
Ħafna nies, partikolarment pazjenti u familjari tagħhom qed isellmu lil Dr Calvagna u jesprimu l-impatt li ħalla f’ħajjithom iddeskrivuh mhux biss bħala l-konsulent tagħhom jew ta’ wliedhom iżda wkoll ħabib, li kienu jsibuh f’kull ħin tal-ġurnata.
Bosta semmew il-fatt li mingħandu mhux biss irċevew għajnuna medika iżda wkoll sapport morali li għenhom jikkumbattu ż-żmien diffiċli li kienu fih.
Bla ebda dubju, Dr Calvagna se jibqa’ ħaj fil-qlub, u l-ħajja ta’ dawk li xi darba jew oħra kellhom kuntatt miegħu, u fil-legat li ħalla warajh.
Bħala tislima xierqa lil Dr Calvagna, u sapport lill-familja tiegħu u dawk qrib tiegħu, ħsibna biex nistaqsu lilek li qed taqra dan l-artiklu sabiex taqsam magħna hawn taħt, il-memorji tiegħek ma’ dan il-Konsulent tant maħbub u x’impatt għamel f’ħajtek.
L-organizzazzjoni Puttinu Cares ħabbret l-mewt tal-Konsulent tant maħbub Victor Calvagna.
Dr Calvagna, miet fl-età ta’ 63 sena, wara li kien ilu tmint ijiem jissielet għal ħajtu fit-Taqsima tal-Kura Intensiva tal-Isptar Mater Dei. Huwa ddaħħal l-isptar isofri minn ġrieħi gravi wara li ttajjar minn karozza fil-Qawra.
Minbarra li kien konsulent tat-tfal morda bil-kanċer, huwa kien ukoll il-President ta’ Puttinu Cares.
L-organizzazzjoni Puttinu Cares qalet li Dr Calvagna kien bniedem umli li ta ħajtu kollha lit-tfal morda u lill-ġenituri tagħhom li tant kien iħobb, u li għallimhom kif ikunu ta’ servizz għall-oħrajn mingħajr ma jistennew xejn lura.
F’isem it-tim ta’ skoperta.net, insellmu l-memorja ta’ Dr Calvagna u nagħtu l-kondoljanzi lill-familja u dawk kollha qrib tiegħu.
Il-pulizija kkonfermat li l-konsulent tat-tfal Victor Calvagna huwa l-persuna li ttajjar minn karozza għall-ħabta tat-8:30 tal-bieraħ filgħaxija, fil-Qawra.
Huwa ddaħħal l-isptar bi ġrieħi gravi, u qed jinżamm fit-Taqsima tal-Kura Intensiva. Huwa mifhum li l-kundizzjoni tiegħu hija waħda kritika ħafna.
Dr Victor Calvagna huwa konsulent mediku tat-tfal morda bil-kanċer u President ta’ Puttinu Cares.
Fuq il-paġna ta’ Facebook, l-organizzazzjoni ta’ Puttinu Cares qalet li kulħadd jinsab ixxukkjat u mbikkem b’din l-aħbar, u ħeġġet lin-nies biex jitolbu.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
