by skoperta.net | 17/Apr/23 | Ġrajjiet, Kurrenti
Ir-raġel li l-klieb tiegħu qatlu lin-nanna tiegħu u l-kelb tagħha fl-2020 iddaħħal l-isptar wara li safa attakkat mill-klieb tiegħu stess kmieni dalgħodu.
F’rapport ippubblikat mit-Times of Malta ġie rrappurtat li r-raġel, André Galea, ġie attakkat quddiem ir-residenza tiegħu fl-Imsida.
Skont il-ġirien, l-inċident seħħ għall-ħabta tas-1:30 ta’ filgħodu.
Skont l-istess rapport, ir-raġel tela’ fuq saqaf ta’ karozza li kienet ipparkjata fil-viċinanzi biex jipprova jaħrab mill-klieb tiegħu.
Fuq il-post issejħet l-għajnuna tal-pulizija, uffiċjali tal-Ħarsien tal-Annimali u veterinarju.
Iż-żewġt iklieb inqabdu.
Il-każ qed jiġi investigat mill-pulizija.
by skoperta.net | 28/Oct/22 | Ġrajjiet, Kurrenti, L-Aħħar Aħbar
Ilbieraħ filgħaxija, għall-ħabta tal-22:45 fi Triq Mikiel Anton Vassalli, raġel ta’ 29 sena weġġa’ gravi wara li nqaleb bil-karozza u spiċċa fl-iskatepark tal-Imsida.
Skont rapport minn TVMNews, ir-raġel tilef il-kontroll u nqaleb bil-karozza. Huwa kellu jinħareġ mill-karozza mill-uffiċjali tad-Dipartiment tal-Protezzjoni Ċivili.
Huwa ttieħed l-isptar Mater Dei b’ambulanza.
by skoperta.net | 18/Oct/22 | Ġrajjiet, Kurrenti, L-Aħħar Aħbar
Ftit tal-ħin ilu, tħabbret il-mewt ta’ Twanny Agius, missier id-Deputat Kelliem tal-Parlament David Agius.
Twanny Agius huwa magħruf partikolarment għall-involviment tiegħu fil-kamp sportiv u għall-ħidma tiegħu fl-Imsida.
Minbarra li fil-passat kien plejer u referee, Agius kien President tal-MAFA bejn l-1999 u l-2022. Fil-fatt huwa waqaf mill-kariga riċentament minħabba saħħtu.
Kondoljanzi lill-familja Agius, il-ħbieb u dawk kollha qrib.
by skoperta.net | 04/Jun/22 | Konf Taf?
Madonna ta’ Fatima – Gwardamanġa
Gwardamanġa taf il-bidu tagħha lejn nofs is-seklu 20.
Qabel dawn l-inħawi kienu jagħmlu mal-Imsida.
Meta l-Patrijiet Dumnikani kienu fetħu kunvent hawnhekk ftit wara dan sar parroċċa u nbniet il-knisja moderna li naraw illum.
Il-vara tal-Madonna ta’ Fatima inġiebet minn Marsilja.
Informazzjoni minn Mario Coleiro.
by skoperta.net | 16/May/22 | Ġrajjiet, Kurrenti
Żiemel miet wara li waqa’ minn għoli ta’ madwar tliet sulari u spiċċa fit-Triq Mikiel Anton Vassalli, l-Imsida.
L-inċident seħħ għall-ħabta tas-7:30 ta’ filgħodu u huwa mifhum li ż-żiemel waqa’ minn xi għalqa u spiċċa fi triq traffikuża.
Flimkien mal-Pulizija, li marru fuq il-post biex jikkontrollaw it-traffiku, marru wkoll uffiċjali tal-Animal Welfare iżda sfortunatament iż-żiemel miet mal-waqgħa.
Skont rapport minn tvmnews, jidher li għal xi raġuni ż-żiemel sfratta u waqa’ għal isfel.
