Johnny Depp kważi ma jintgħarafx wara li qaxxar il-mustaċċi u d-daqna famuża tiegħu li kien ilu bihom għexieren ta’ snin!
L-attur ta’ Hollywood, ta’ 59 sena, żvela d-dehra ġdida tiegħu waqt tour mal-mużiċist u ħabib tiegħu, Jeff Beck, wara gig li kellhom fi New York.
L-istilla ta’ The Pirates of the Caribbean deher ferm differenti mid-dehriet tiegħu fl-awla ftit tax-xhur ilu waqt li kien qed jinstema’ l-każ ta’ malafama tiegħu kontra l-eks mara tiegħu Amber Heard.
Id-dehra l-ġdida tiegħu ġiet wara li ħarġet l-aħbar li l-każ ta’ bejnu u bejn Heard se jkun is-suġġett ta’ film ġdid li għandu joħroġ fi ftit ġimgħat oħra!
Il-familja ta’ Cheslie Kryst u d-Dipartiment tal-Pulizija ta’ New York, li qed jinvestiga l-mewt tagħha, qalu li Cheslie mietet il-Ħadd filgħodu fl-età ta’ 30 sena.
Kryst kienet avukat li fittxet li tgħin biex tirriforma s-sistema tal-ġustizzja tal-Amerika, kif ukoll blogger tal-moda u korrispondent tal-aħbarijiet tad-divertiment, u ġiet inkurunata Miss USA fl-2019.
Filwaqt li għadha għaddejja l-investigazzjoni, il-pulizija kkonfermaw li kkommettiet suwiċidju u li mietet wara li qabżet minn bini f’Manhattan.
Ftit qabel il-mewt tagħha, Cheslie Kryst tellgħet post fuq Instagram b’ritratt tagħha u kitbet “Jalla dan il-jum iġiblek il-mistrieħ u l-paċi.”
Fuq il-paġna tagħha, Miss Universe Malta, Jade Cini esprimiet in-niket tagħha għal din l-aħbar. Hija qalet li tinsab ixxukkjata u enfasizzat li dan juri li qatt ma tkun taf minn xiex bniedem ikun għaddej minn wara l-ħajja tal-midja soċjali tiegħu.
Jade qalet ukoll li kienet onorata li ltaqgħet ma’ Cheslie. Filwaqt li żiedet tgħid li s-suwiċidju huwa reali, ħeġġet biex aktar nies jitkellmu dwar dan.
L-istilla tas-sensiela televiżiva Pose, Michaela Jaé Rodriguez saret l-ewwel attriċi trans li rebħet il-premju tal-Golden Globe.
Michaela Jaé Rodriguez rebħet il-premju tal-aqwa attriċi f’drama televiżiva fil-Golden Globes, li din is-sena ma ġietx imxandra fuq it-televiżjoni. F’din il-kategorija kien hemm ukoll Jennifer Aniston, Uzo Aduba, Elizabeth Moss, u Christine Baranski.
Hija rebħet il-premju għall-interpretazzjoni tagħha fis-serje rebbieħ tal-Emmy Award, Pose, li ħareġ l-aħħar staġun tiegħu fis-sajf li għadda
Pose, sensiela ambjentata fi New York tal-aħħar tas-snin 80 u l-bidu tas-snin 90, tittratta fuq il-kultura tal-ballu u l-komunità LGBTIQ, il-kriżi tal-AIDS u l-kapitaliżmu.
Is-serje ssegwi lil Blanca, interpretata minn Rodriguez, hekk kif tibda d-“dar” tagħha stess, familja ta’ żgħażagħ LGBTIQ miċħuda u tipprova ssir leġġenda.
L-istilla ta’ Pose qalet li l-premju tagħha huwa l-bieb li se jiftaħ il-bieb għal ħafna aktar individwi żgħażagħ b’talent.
Rihanna ilha ambaxxatriċi għall-Barbados mill-2018, il-gżira li reċentement neħħiet lir-Reġina minn Kap tal-Istat u saret repubblika.
Il-kantanta u negozjanta Barbadjana ġiet iddikjarata bħala eroj nazzjonali mill-Prim Ministru tal-pajjiż.
Hija ngħatat l-unur minn Mia Mottley waqt avveniment biex jiċċelebra l-gżira bħala repubblika.
Rihanna twieldet f’Saint Michael u trabbiet f’Bridgetown, qabel ma marret toqgħod l-Istati Uniti wara li ġiet skoperta mill-produttur tal-mużika bbażat fi New York Evan Rogers.
Minn dakinhar bdiet it-triq tagħha sabiex illum hija meqjusa bħala waħda mill-akbar artisti fid-dinja, kif ukoll ħadet sehem f’films inklużi Battleship u Ocean’s 8 u nediet id-ditta tal-moda tagħha stess, Fenty, fl-2018.
Mill-2018, Rihanna kellha t-titlu onorarju ta’ Ambaxxatriċi għall-Kultura u ż-Żgħażagħ fil-Barbados.
Fl-2008, l-eks Prim Ministru David Thompson iddikjara t-22 ta’ Frar bħala “Jum Rihana”, u għalkemm mhix festa pubblika, il-Barbadjani jiċċelebrawha kull sena.
Imwielda fil-belt ta’ New York ġewwa l-Istati Uniti tal-Amerka iżda residenti ġewwa r-raħal pittoresk ta’ Għajnsielem f’Għawdex, il-kantanta Charlene Rae għandha mħabba kbira lejn il-lingwa Maltija, kif ukoll lejn il-ġeneru ta’ mużika rock, tant hu hekk li tagħmel mill-aħjar li tista’ biex tamalgamhom flimkien. Dan kien il-punt tat-tluq għall-kanzunetta L-Isbaħ Fjura.
Fuq kompożizzjoni ta’ Glen Vella, lirika ta’ Emil Calleja Bayliss u produzzjoni ta’ Matteo Depares, L-Isbaħ Fjura hija kanzunetta oriġinali bil-Malti li Charlene Rae, permezz tal-paġni uffiċjali fuq Facebook u Instagram iddiskreviet bħala “personali, dedikazzjoni għal missieri, bniedem lli għalkemm ħalla ħafna swied ta’ qalb, tani ħafna kuraġġ tul ħajti”.
Ritratt minn Owlet Photography
L-għażla tad-data tat-tnedija tal-kanzunetta, il-Ġimgħa 18 ta’ Ġunju ma kinitx b’kumbinazzjoni iżda waħda bi ħsieb, għaliex hija l-aħħar ġurnata tal-ġimgħa qabel tiġi ċċelebrata l-festa ta’ Jum il-Missier. Għaldaqstant, Charlene Rae flimkien mat-tim tagħha ħasbu li l-messaġġ ta’ din il-kanzunetta jista’ joffri wens lil dawk li tilfu lill-għażiż missierhom.
Il-kanzunetta L-Isbaħ Fjura, hija akkumpanjata minn vidjo ta’ lirika, maħdum minn Angie u Duane Laus ta’ Lava Graphics, fejn l-iskop hu li wieħed jifhem aktar r-relazzjoni bejn missier u bint, permezz tal-lirika mirquma bl-aktar mod sentimentali.
Il-kanzunetta L-Isbaħ Fjura hija disponibbli biex tindaqq jew tinxtara fuq il-pjattaformi ewlenin tal-mużika diġitali fosthom: Spotify, Deezer, Google Play, Amazon and iTunes grazzi għall-kumpanija tad-distribuzzjoni internazzjonali; CAP-Sounds.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
