by skoperta.net | 14/Jul/22 | Ġrajjiet, Kurrenti
Raġel fl-Istati Uniti ġie mixli li stupra tifla ta’ 10 snin li mbagħad kellha tivvjaġġa minn Ohio lejn l-Indiana biex tagħmel abort minħabba r-restrizzjonijiet il-ġodda dwar l-abort.
Sigħat wara d-deċiżjoni tal-Qorti Suprema, il-leġiżlaturi f’Ohio pprojbixxew l-abort minn wara 6 ġimgħat tqala, mingħajr l-ebda eċċezzjoni għall-vittmi ta’ stupru jew inċest.
Għalkemm fl-Indiana għaddejjin sforzi biex jiġi ristrett l-aċċess għall-abort, s’issa l-proċedura għadha legali.
Skont rapporti, it-tifla kellha 6 ġimgħat u tlett ijiem tqala.
L-għajdut tal-każ ġibdu attenzjoni nazzjonali u internazzjonali, b’xi mexxejja politiċi tal-Istati Uniti jirreferu għalih f’konverżazzjonijiet dwar projbizzjonijiet tal-abort.
Gerson Fuentes, li għandu 27 sena, ġie arrestat nhar it-Tlieta, skont id-dokumenti tal-pulizija u l-qorti ta’ Columbus. Huwa ġie akkużat bi stupru kriminali ta’ minorenni taħt it-13-il sena, skont il-Qorti Muniċipali tal-Kontea ta’ Franklin. L-ewwel dehra tiegħu fil-qorti kienet l-Erbgħa.
Il-Pulizija ġiet infurmata għall-ewwel darba dwar it-tqala tat-tifla lejn l-aħħar ta’ Ġunju permezz ta’ referenza minn dipartiment lokali tas-servizzi tat-tfal li saret minn omm it-tifla stess.
Skont rapporti minn midja internazzjonali, Fuentes ammetta mal-awtoritajiet li stupra lit-tifla f’mill-inqas żewġ okkażjonijiet.
It-tifla ta’ 10 snin għamlet abort fit-30 ta’ Ġunju, fil-klinika ta’ Indianapolis. Bħalissa qed jiġi ttestjat id-DNA ta’ Fuentes kif ukoll ħut it-tifla.
Il-każ kien irrappurtat għall-ewwel darba fl-1 ta’ Lulju bi ftit dettalji. Madankollu bosta ddubitaw kemm din l-istorja kienet vera sakemm ġiet ikkonfermata mill-pulizija u l-qorti.
Fuentes irid jerġa’ jidher quddiem il-qorti fit-22 ta’ Lulju. Jekk jinstab ħati, jista’ jeħel għomru l-ħabs
by Sex Clinic Malta | 10/May/21 | Riflessjonijiet, Varjetà
Is-sess huwa parti importanti fil-ħajja adulta għaliex jgħinna niffunzjonaw b’mod aħjar u jgħinna ngħixu b‘inqas stress. Hemm ċertu twemmin li l-irġiel għandhom one track mind, li għalihom m‘hemm xejn aktar importanti mis-sess. F‘dan l-artiklu se niskopru jekk din it-teorija hijiex vera jew le.
F’Ohio fl-Amerika, ir-riċerkatriċi Terri Fisher flimkien mat-tim tagħha wettqu riċerka fuq 283 student bejn l-etajiet ta‘ 18 u 25. Dan sar permezz ta‘ clickers li ġew mogħtija lill- 283 studenti irġiel u nisa f‘kulleġġ. Clickers huma strumenti li meta jkun hemm ħsieb dwar is-sess, l-ikel jew l-irqad jagħfsu din il-buttuna ta‘ fuq il-clicker.
Permezz ta‘ dan l-istrument, saru jafu li l-irġiel jkollhom 19-il ħsieb dwar is-sess matul il-ġurnata, filwaqt li n-nisa jkollhom 10 ħsibijiet dwar is-sess matul il-ġurnata. Minkejja li l-irġiel kellhom aktar ħsibijiet dwar is-sess min-nisa, (l-ammont huwa kważi d-doppju), tajjeb li nżommu f’moħħna li dawn l-irġiel huma żgħażagħ ta‘ bejn 18 u 25-il sena.
F’din ir-riċerka staqsew lin-nies biex jagħtu kas kemm-il darba jaħsbu dwar l-ikel, l-irqad u s-sess. Madankollu kellhom bżonn jieħdu nota ta‘ dan permess tal-użu ta‘ tally charts. Huma kellhom bżonn jagħmlu dan għal kuljum matul dik il-ġimgħa. Huma staqsewhom ukoll biex jaħsbu dwar kemm-il darba s-sess, l-ikel u l-irqad ikun f’ħsibijiethom individwalment. Ħadu nota dwar l-attitudnijiet ta‘ dawn in-nies rigward is-sess, l-ikel u l-irqad.
Dan għamluh sabiex r-riċerka tkun varjata, huma ma ridux juru lill-partiċipanti li r-riċerka hija dwar is-sess ħalli ma jkollhomx informazzjoni biased. Skont ir-riċerkaturiċi Terri Fisher, l-irwoli sesswali jiġu aktar influwenzati mill-ħsibijiet u n-normi soċjali, aktar mill-fatt jekk tkunx mara jew raġel. Minkejja li din ir-riċerka turi li r-raġel tipiku jaħseb dwar sess aktar mill-mara tipika, ir-raġel jaħseb iktar dwar l-irqad u l-ikel ukoll.
Studju ieħor li sar minn Joni L Meenagh mill-università RMIT fl-Awstralja, jgħid li l-ideat tagħna dwar l-irwoli li issoltu nassoċjaw ma’ mara u raġel jinfluwenzaw l-ideat ta‘ ħafna minna fuq is-sex drive tal-irġiel. Dan l-istudju sar dwar koppji eterosesswali f’relazzjoni serja bejn l-etajiet ta‘ 18 u 23. L-irġiel kellhom jirrifjutaw is-sess minghand il-partner taghhom, u waqt li tkellmu fuq dan f’intervista qalu li meta irrifjutaw is-sess mhux dejjem kienu rrispettati.
Dan l-istudju jitkellem dwar kif l-interazzjonijiet soċjali bejn r-raġel u l-mara huma l-prodotti ta x’naħsbu fuq il-maskulinità u s-sexual drive li niġu mgħallma minn età żgħira. Dan l-istudju juri kif mhux dejjem il-każ li l-irġiel ikollhom is sess fuq moħħhom u meta jirrifjutaw is-sess il-partners tagħhom ikunu iddiżappuntati għaliex qatt ma jaħsbu li l-irġiel ikunu se jgħidu le fejn jidħol is sess.
Spiss li l-irġiel jiġu iġġudikati meta tidħol is-sex drive, imma skont dawn iż-żewġ studji naraw li avolja l-irġiel jaħsbu dwar is-sess aktar min-nisa, huma jaħsbu dwar l-ikel u l-irqad aktar min-nisa wkoll. B‘hekk kif l-irġiel huma impinġijin huwa kollu riżultat li ġej mis-soċjetà u minn informazzjoni falza.
Tim multidixxiplinarju li jipprovdi kura għas-Saħħa Sesswali
