Select Page
“Tibqa’ tħobb anke meta ma tiġix apprezzata” – Lynn Aquilina

“Tibqa’ tħobb anke meta ma tiġix apprezzata” – Lynn Aquilina

Il-mara

Il-mara ssaħħar bi sbuħitha.

Il-mara tafaxxinak bi bżulitha.

Il-mara tispirak kif tlaħħaq ma’ familtha.

Il-mara tħallik bla kliem

Għax f’kull waqt ixxammar il-kmiem!

Taf tkun doċli u sensittiva għax tuża’ qalb ta’ omm fejn ikun hemm bżonn.

U f’xi mumenti tkun assertiva u b’saħħitha għax kelmtha żżomm.

Tiffaċċja kull diffikultà, minkejja kull periklu li ġieli lanqas biss ixxomm.

Hi tagħti ħafna u tieħu ftit.

Tibqa’ tħobb anke meta ma tiġix apprezzata.

Temmen anke meta ma jkunx hemm tama.

Għax din il-kreatura maħluqa biex tagħti l-ħajja.

F’dan ir-rigward dejjem tagħha tagħti l-aħjar

Biex tiddefendi dan ir-rigal b’kull mod sal-aħħar!

Filmat: Skoperti bankers taż-żejt f’Manoel Island li ntużaw waqt it-Tieni Gwerra Dinjija

Filmat: Skoperti bankers taż-żejt f’Manoel Island li ntużaw waqt it-Tieni Gwerra Dinjija

L-esploratur Conrad Neil Gatt qasam magħna filmat esklussiv tal-aħħar avventura tiegħu.

Conrad irnexxielu jiskopri bankers taż-żejt moħbija taħt l-art f’Manoel Island, li kienu jissupplixxu ż-żejt lis-sottomarini waqt it-Tieni Gwerra Dinjija.

Taraġ wassal lil Conrad għal mina li minnha bdiet l-avventura pjuttost riskjuża taħt l-art.

Minbarra r-riħa qawwija ta’ żejt li jsemmi Conrad fil-filmat, wieħed jista’ jinnota l-fdalijiet ta’ magni.

Mhuwiex rakkomandat li wieħed iżur post bħal dan minħabba li l-istat li jinsab fih huwa meqjus bħala wieħed ta’ periklu.

Segwi l-avventura kollha permezz tal-filmat t’hawn taħt, li possibbilment huwa l-ewwel filmat esklussiv fuq YouTube dwar dan il-post.

Karozza tal-linja tieħu n-nar fil-Bulgarija – Imutu mill-inqas 46 fosthom tfal

Karozza tal-linja tieħu n-nar fil-Bulgarija – Imutu mill-inqas 46 fosthom tfal

Mill-inqas 46 persuna, inklużi 12-il tifel u tifla, mietu meta karozza tal-linja ġġarfet u ħadet in-nar fil-punent tal-Bulgarija.

Ix-xarabank kienet irreġistrata fil-Maċedonja ta’ Fuq u l-biċċa l-kbira ta’ dawk abbord kienu turisti li kienu qed jirritornaw minn vjaġġ lejn Istanbul fit-Turkija.

Seba’ persuni li minkejja li sofrew ħruq, irnexxielhom isalvaw, ittieħdu l-isptar.

S’issa għadu mhux magħruf eżattament x’wassal għal din it-traġedja.

L-ebda vettura oħra ma kienet involuta fl-inċident.

Il-midja Bulgara qalet li l-karozza tal-linja kienet qed tivvjaġġa bħala parti minn konvoj ta’ erba’ karozzi tal-linja u kienet waqfet f’pompa tal-petrol qrib Sofia madwar siegħa qabel l-inċident. Il-karozzi tal-linja l-oħra rritornaw lejn il-Maċedonja ta’ fuq mingħajr periklu.

Il-vittmi għadhom ma ġewx identifikati uffiċjalment, iżda uffiċjali qalu li kienu jinkludu tfal, u żgħażagħ ta’ bejn l-20 u t-30 sena.

Filmat: Avventura li se tieħdok f’żewġ għerien li probabbilment ma kontx taf bihom!

Filmat: Avventura li se tieħdok f’żewġ għerien li probabbilment ma kontx taf bihom!

L-avventura għal din il-ġimgħa flimkien mal-esploratur Angelo Caruana se teħodna f’żewġ għerien li jinsabu fil-limiti ta’ Birżebbuġa. Għar ir-Riħ u Għar in-Nagħaġ, għalkemm hemm diversi xnihat li l-ismijiet tagħhom jistgħu jkunu differenti peress li hemm għerien oħra fl-istess akwata li ħafna jissejħu bl-istess isem. Huma żewġ għerien li ftit jafu nies bihom però wieħed jista’ jilħaq faċilment dawn iż-żewġ għerien.


Għar ir-Riħ jinsab quddiem wieħed mill-passaġġ mal-irdum li l-bokka hija moħbija wara blata kbira. Kif tidħol fih issib diversi formazzjonijiet ta’ blat li ffurmaw mas-snin. Fl-aħħar tiegħu tiġi għal bokka oħra li tagħti għal fuq il-baħar b’veduti mill-isbaħ kif jixhdu dawn ir-ritratti u l-filmati li qasam magħna Angelo.


Tajjeb li nfakkru li dawn huma postijiet li meta wieħed iżurhom irid jieħu l-prekawzjonijiet kollha meħtieġa għax jistgħu jkunu ta’ periklu.

Enable Notifications OK No thanks