Permezz ta’ filmat li tella’ fuq il-paġna ta’ Facebook tiegħu, Jean Claude Micallef ħabbar li għal 19-il vot ma rnexxilux ikun elett fuq it-tielet distrett fl-elezzjonijiet każwali.
Filwaqt li rringrazzja lil dawk kollha li emmnu fih u kienu ta’ sapport mhux biss tul il-mixja elettorali imma anki wara, awgura lil dawk li ġew eletti.
Jean Claude Micallef qal li jinsab sodisfatt li fiż-żmien tiegħu fil-Parlament ta kollox, tkellem bl-aktar mod ċar f’dak li jemmen u ma ddejjaq qatt jirrappreżenta lil kull min eliġġih fl-elezzjoni ta’ qabel.
Żied jgħid li llum il-ġurnata hemm rappreżentanti ġodda biex jagħmlu dan. Għaldaqstant huwa awgura lit-tim kollu mmexxi minn Robert Abela sabiex ikunu qed jagħmlu ħilithom kollha biex Malta tibqa’ miexja ‘l quddiem.
Micallef qal li l-futur tiegħu issa jinsab f’idejh u jħares ‘il quddiem biex ikompli jkun ta’ servizz għal dawk kollha li dejjem urewh fiduċja bl-aktar mod apprezzabbli iżda aktar minn kollox, b’ħafna mħabba.
Il-President attwali tal-Italja Sergio Mattarella ġie elett mill-ġdid għat-tieni mandat.
Mattarella ġie elett b’759 minn madwar 1009 vot ta’ membri parlamentari u rappreżentanti reġjonali inkarigati mill-elezzjoni tal-president fi proċess li ma jinvolvix il-pubbliku, fit-tmien votazzjoni.
Din hija biss it-tieni darba fl-istorja li President Taljan reġa’ ġie elett biex iservi t-tieni mandat. Fl-2013, Giorgio Napolitano kien l-ewwel wieħed li serva t-tieni mandat minn meta l-Italja saret repubblika fl-1946, iżda rriżenja wara sentejn fl-2015.
Mattarella, ta’ 80 sena, sar President fl-2015 u minkejja li kien eskluda li jibqa’ fil-kariga wara li jispiċċa t-terminu ta’ 7 snin fit-3 ta’ Frar, rapporti mill-midja qalu li l-Prim Ministru Mario Draghi ikkonvinċieh jibqa’ għall-istabbiltà tal-Italja.
Fl-ewwel reazzjoni tiegħu hekk kif ġie elett, Mattarella qal li ħass sens ta’ responsabbiltà li jibqa’ fil-kariga fid-dawl tal-isfidi tas-saħħa u ekonomiċi li qed jiffaċċja l-pajjiż.
Il-ġimgħa d-dieħla mistennija ssir iċ-ċerimonja formali tal-ġurament.
Impjegati attwali u preċedenti qed jakkużaw lid-direttur ewlieni tal-Organizzazzjoni Dinjija tas-Saħħa fil-Paċifiku tal-Punent b’imġiba razzista, mhux etika u abbużiva li ddgħajjef l-isforzi tal-aġenzija tas-saħħa tan-NU biex trażżan il-pandemija tal-Covid-19.
L-allegazzjonijiet ġew ippreżentati f’ilment ippreżentat f’Ottubru u għal darb’oħra f’imejl il-ġimgħa li għaddiet, mibgħuta minn impjegati mhux identifikati lit-tmexxija u lill-bord eżekuttiv.
Fl-imejl intqal li l-allegazzjonijiet qed jiġu ppreżentati f’isem 30 impjegat u jirriflettu l-esperjenzi ta’ aktar minn 50 persuna.
L-ilment intern u l-imejl jiddeskrivu atmosfera tossika b’kultura ta’ bullying sistemiku u ridikolazzjoni pubblika fil-kwartieri ġenerali tal-WHO fil-Paċifiku tal-Punent f’Manila, immexxija minn Dr Takeshi Kesai, direttur ta’ reġjun vast li jinkludi ċ-Ċina u pajjiżu, il-Ġapan.
11-il impjegat tal-WHO li ħadmu għal Kasai qalu li spiss juża’ lingwaġġ razzista u jagħmel rimarki dispreġġjattivi.
Kasai qed jiġi wkoll akkużat li qasam informazzjoni potenzjalment sensittiva dwar il-vaċċin mal-Ġappun, wieħed minn 37 pajjiż fir-reġjun li jmexxi.
Huwa ċaħad l-allegazzjonijiet kollha u qal li malli sar jaf, mill-ewwel ħa passi biex jikkomunika mal-istaff kollu tiegħu.
Qal ukoll li impenjat li jagħmel bidliet li jiżguraw ambjent tax-xogħol pożittiv għall-istaff kollu tal-WHO fir-reġjun.
Madanakollu, minn midja internazzjonali qed jingħad li messaġġ intern tal-WHO juri li f’laqgħa l-ġimgħa li għaddiet, Kasai ordna lid-diretturi kollha tiegħu u r-rappreżentanti tal-pajjiż biex jiċħdu l-akkużi li saru fil-konfront tiegħu u jagħtuh appoġġ totali.
Il-kantanta Maléna, ir-rappreżentanta tal-Armenia, tirbaħ il-Junior Eurovision Song Contest bil-kanzunetta Qami Qami.
Minkejja li ġiet it-tielet fil-voti tal-ġurija, wara Franza u l-Polonja, l-Armenja rnexxielha tikklassifika fl-ewwel post billi kisbet l-ogħla punti fil-votazzjoni onlajn. Il-Polonja u l-Portugall ġew ikklassifikati fit-tieni u t-tielet post mill-pubbliku.
Ir-rappreżentanti ta’ Malta, id-duo li seraq tant qlub, Ike u Kaya taw prestazzjoni mill-aqwa u ġew ikklassifikati fit-12-il post.
Il-konkors ta’ Miss World ta’ din is-sena ġie pospost wara li diversi persuni involuti fl-avveniment, inklużi 23 mis-97 kontestant, irriżultaw pożittivi għall-Covid-19.
Il-mudella Naomi Dingli li hija r-rappreżentanta ta’ pajjiżna kkonfermat li t-test tagħha rriżulta negattiv, madanakollu hija kellha tirritorna lura lejn Malta.
Fi stqarrija maħruġa sigħat qabel il-finali, l-organizzaturi qalu li se jipposponu fl-interess għas-saħħa u s-sigurtà tal-kontestanti, l-istaff u l-pubbliku ġenerali..
Ir-rappreżentanti tal-Malasja kkonfermaw li l-kontestanta tagħhom, Lavanya Sivaji, kienet fost dawk li rriżultaw pożittivi.
Miss World Indonesia wkoll ikkomfermat li rriżultst pożittiva.
B’kollox hemm 38 każ pożittiv assoċjati ma’ Miss World, 23 minnhom huma kontestanti.
L-organizzaturi qalu li l-finali ta’ Miss World se jsir fi żmien tliet xhur oħra.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
