Il-mistiedna li se jkunu qed jakkumpanjaw lil Ryan u Josmar waqt Sibtek tal-lum huma Liam Carter, Francesca Attard, Rita Pace u Caroline Schembri.
Karattri kkuluriti li għaddew minn esperjenzi tad-daħq li mhux se jinsew malajr.
Liam u Francesca mill-kamra tal-aħbarijiet ta’ TVM se narawhom kif qatt ma rajnihom qabel!
Rita Pace lura fix-xena tal-mużika wara li lbieraħ rajniha fis-serata tal-klassiċi waqt Mużika Mużika.
U l-Prank Call se tkun hemm għal xi ħadd minn dawn ukoll!!!
Il-mużika waqt Sibtek se tkun kollha kemm hi Live flimkien ma’ Christian Arding.
Sibtek, il-programm divertenti b’sorpriżi kbar, ippreżentat mill-koppja favorita ta’ ħafna, Ryan u Josmar, se jżommlok kumpanija mill-12:15 ‘l quddiem, fuq TVM.
U allura mhux ovvja! Ma tistax titlef Sibtek li jmiss!
Il-personalitajiet televiżivi Steve u Manuel Aquilina, il-kantanti Ludwig Galea, Rita Pace u Laura Bruno kif ukoll l-illużjonista Kim Woods se jkunu fost il-mistiedna ewlenin fil-programm tal-lejla ta’ The Entertainers, il-varjetà televiżiva tas-Sibt filgħaxija, li jixxandar fuq Net TV kull nhar ta’ Sibt fit-20.30.
Bi preżentazzjoni ta’ Victorio Gauci din il-ġimgħa The Entertainers iwasslilkom sagħtejn u nofs ta’ spettaklu b’divertiment garantit flimkien mal-band residenti mmexxija minn Mark Spiteri Lucas u bosta artisti mistiedna. Fuq kollox ir-rebħ ta’ rigali kbar u mill-isbaħ.
Minn dan l-istaġun The Entertainers qed jiċċelebra memorji minn deċennji li għaddew u li llum huma biss tifkiriet. F’dan il-programm imiss is-snin 60 u s-snin 2000.
Minbarra l-mużika, l-ingredjenti ewlenin wara s-suċċess tal-programm, ikompli l-logħob bejn il-mistiedna li żgur għandhom iqanqlu tbissima fuq fomm it-telespettaturi.
Din il-ġimgħa titkompla l-ewwel fażi tas-seba’ edizzjoni ta’ The Entertainers Singing Challenge.
Attrazzjonijiet oħra jinkludu l-Cocktail Bar ma’ James Aquilina, Fashion Time b’pariri siewja dwar il-moda femminili minn Josette Sciberras.
Proprju lbieraħ tnieda l-vidjow mużikali tal-kanzunetta Għajejt Inħobb kantata minn Christian Arding, b’kitba ta’ Rita Pace u kompożizzjoni ta’ Gilbert il-Bibi Camilleri.
Din il-kanzunetta mhux biss kienet waħda mill-finalisti tal-Festival Mużika Mużika, imma wkoll ġiet ikklassifikata fit-tieni post.
Il-vidjow mużikali, miġbud u editjat minn Emotive Media jitratta t-tema tal-vjolenza domestika u psikoloġika minn lenti ta’ raġel. Minkejja li għamel minn kollox biex isalva ż-żwieġ, iħossu li ma fadallux iktar saħħa u motivazzjoni biex jibqa’ jipprova. Jixxennaq għal dak iż-żmien tal-bidu meta kollox kien jidher sabiħ u kien iħossu maħbub iżda jħoss li issa tbegħdu u ma jafx x’fadallu jagħmel biex isalva r-relazzjoni.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
