Ftit tal-ħin ilu, il-kantant Aidan Cassar ta prestazzjoni waqt is-serata finali tal-Malta Eurovision Song Contest.
Deċiżjoni li qanqlet kontroversja hekk kif ilbieraħ ġiet irrappurtata minn diversi siti tal-aħbarijiet lokali.
Filwaqt li wħud ħadu gost b’din l-aħbar, oħrajn ikkritikaw lill-PBS kif ukoll lill-kantant.
Skont kif ġie rrappurtat mit-Times of Malta, Aidan ġie mistieden fuq kundizzjoni li ma jistax il-kanzunetta li biha kien qed jipparteċipa fil-Malta Eurovision Song Contest, Reġina.
Aidan ġie skwalifikat mill-Malta Eurovision Song Contest minħabba posts li ma kinux awtorizzati. Wara li l-avukati ta’ Cassar bagħtu ittra legali lill-PBS, ir-risposta kienet li d-deċiżjoni li ttieħdet hija finali.
Aktar tard, Aidan qal li mhuwiex se jkun qed jipproċedi legalment għaliex dan kien ifisser li jwaqqaf il-festival milli jsir, u saħaq li dan qatt ma kien fi ħsibijietu, speċjalment b’rispett lejn sħabu l-kantanti.
Kif kien ħabbar, aktar tard, f’nofsillejl se jkun qed iniedi l-kanzunetta Reġina.
Fl-ewwel kitba tiegħu minn mindu ġie skwalifikat mill-Malta Eurovision Song Contest, il-kantant Aidan Cassar, spjega li għalkemm jiddispjaċih, mhuwiex se jipproċedi legalment minħabba li dan ifisser li jkollu jwaqqaf il-festival milli jsir.
Reġina… Nixtieq nikteb ħafna, imma ma’ nafx minn fejn għandi nibda. Jiddispaċini għal li ġara iżda li nipproċedi legalment ifisser li jkolli inwaqqaf il-festival li tant inħobb milli jsir. Dan żġur li qatt ma kien fi ħsibijieti, speċjalment b’rispett lejn sħabi l-kantanti li bħali ħadmu ħafna biex jagħtu performance mill-aqwa fuq dak il-palk… u anke b’rispett lejn il-fans tal-Eurovision, bħali.. li ta’ minn 7 snin dejjem ħlomt li nitla’ nirrappreżenta lil Malta fil-Eurovision. Ħdimt, fuq li ħdimt, sa tlaqt mill-full time job tiegħi ftit ġimgħat ilu, biex nagħti kollox għal dil-ħolma li għandi.
Huwa rringrazzja lill-familja u l-ħbieb tiegħu, kif ukoll lil dawk kollha li matul il-ġimgħa li għaddiet sabhom ta’ spalla għalih u tawh is-sapport tagħhom.
Grazzi lit-tim, familja, ħbieb, kollegi u supporters tiegħi li f’din il-ġimgħa li għaddiet, sibthom ta’ spalla u kienu hemm għalija. Grazzi lil ommi, li fil-kanzunetta nsejħila Reġina. Naf li kburija bija, u jien kburi li għandi lilek. Grazzi lilek li qed taqra dal-messaġġ.
Fl-aħħar nett huwa awgura lill-kantanti li qed jipparteċipaw fil-Malta Eurovision Song Contest filwaqt li stqarr li qed iħares ‘il quddiem biex jaqsam aktar mużika mas-segwaċi tiegħu.
Nawgura lill-kantanti sħabi kollha li qed jipparteċipaw fil-festival. U nħares ‘il quddiem biex naqsam iżjed mużika u kanzunetti ġodda magħkom ma ndumx.
Id-dikjarazzjoni ta’ Aidan ġiet wara li nhar il-Ħamis li għadda, f’ittra mibgħuta mill-avukati tiegħu, ġie mitlub li tiġi sospiża l-iskwalifikazzjoni u ssir laqgħa bejn il-partijiet ikkonċernati. Fl-ittra kien hemm ukoll li lesti li jittieħdu azzjonijiet legali oħrajn jekk it-talba msemmija fl-ittra ma tinstemax.
Ftit sigħat wara, il-PBS ħareġ stqarrija fejn qal li d-deċiżjoni li ttieħdet hija finali.
B’reazzjoni għall-ittra legali mibgħuta mill-avukati tal-kantant Aidan Cassar, fejn fiha talbu li tiġi sospiża d-deċiżjoni tal-iskwalifikazzjoni kif ukoll issir laqgħa bejn il-partijiet ikkonċernati, il-PBS wieġeb lura b’ittra legali, li permezz tagħha, għamilha ċara li d-deċiżjoni “hija finali.”
Fl-ittra tiegħu, li ġiet ippubblikata minn TVMNews, il-PBS fakkar lil Aidan li, bħal kull kantant, huwa kien iffirma dikjarazzjoni li qara r-regolamenti kollha u li se jżomm magħhom. “Ifisser dan li fl-għarfien sħiħ tiegħek tal-konsegwenzi tan-non-konformità mar-regolamenti, inti xjentifikament għażilt li xorta waħda ġġib ruħek b’mod li kont taf li se jwassal għall-iskwalifika tiegħek mill-MESC,” tgħid l-ittra.
Il-PBS fakkar ukoll lil Aidan li għalkemm ġie mwissi bil-kelma t-tajba diversi drabi li kien qed jikser ir-regolamenti, baqa’ għaddej b’mod aktar intensiv. “Inti taf tajjeb li l-aġir tiegħek, a kuntrarju ta’ ħaddieħor, baqa’ jippersisti bi sfida aperta għar-regolamenti u għat-twissijiet magħmula lilek,” isostni l-PBS fl-ittra.
Fl-ittra legali, il-PBS jirrimarka wkoll kif fl-ittra miktuba f’isem Aidan jintqal li ma jafx għaliex ġie skwalifikat. Il-PBS isostni li huwa fil-pussess ta’ evidenza dokumentarja li turi d-diversi twissijiet u spjegazzjonijiet li sarulu, u li hu wieġeb għalihom.
Fl-aħħar nett, il-PBS jagħmilha ċara li d-deċiżjoni meħuda fit-23 ta’ Jannar hija finali u li m’hemm l-ebda raġuni għaliex għandha tiġi mibdula. Iżid jgħid ukoll li l-kantant m’għandux dritt jew raġuni legalment konċepibbli biex jieħu xi miżuri legali, kif qed jimplika li se jagħmel.
Ammiraturi tal-kantant Aidan Cassar, bħalissa għaddejjin b’petizzjoni biex Aidan jitħalla jipparteċipa fil-Malta Eurovision Song Contest.
Sal-ħin tal-pubblikazzjoni ta’ dan l-artiklu, il-petizzjoni, mibdija minn Christopher Pace, għandha 1,515 firma
Fil-petizzjoni, fost oħrajn qed jintqal li d-dewmien bla bżonn bejn it-tħabbira tal-iskwalifikazzjoni u l-kjarifika mhux biss seta’ jħalli impatt negattiv fuq il-karriera, ir-reputazzjoni u s-saħħa mentali ta’ Aidan iżda ta wkoll perspettiva oħra dwar l-integrità tal-kompetizzjoni.
Il-petizzjoni tgħid ukoll li l-iskwalifika mhix ġustifikata u li l-artist jixraqlu proċess ta’ evalwazzjoni ġust u trasparenti. Tgħid ukoll li r-regolamenti tal-PBS huma riġidi u restrittivi, peress li jipprevjenu lill-artisti lokali milli jippromwovu l-arti tagħhom b’mod liberu u mingħajr biża’ li jiġu ppersegwitati.
Dan wara li Aidan ġie skwalifikat mill-festival, skont il-PBS, minħabba posts mhux awtorizzati fuq il-midja soċjali. Kelliem għall-PBS qal ukoll li l-kantanti ġie mwissi diversi drabi iżda baqa’ jippersisti.
Kelliem għall-PBS qal li Aidan ġie mwissi diversi drabi dwar ksur ta’ regolamenti iżda baqa’ jippersisti u jtella’ posts fuq Facebook u Instagram li ma kinux awtorizzati.
Dan ġie rrappurtat fuq TVMNews wara li lbieraħ ħarġet l-aħbar li Aidan ġie skwalifikat mill-Malta Eurovision Song Contest.
Il-kelliem għall-PBS qal li ull kompetizzjoni għandha r-regoli tagħha u li r-regolamenti qegħdin hemm biex jaraw li l-proċess ikun imparzjali u li l-kantanti kollha jingħataw l-istess ċans u l-istess opportunitajiet, immaterjali mill-mezzi jew ir-riżorsi individwali tagħhom, irraporta TVMNews. “Il-kompetizzjoni ssir fuq l-istess livell ugwali ta’ promozzjoni għal kull parteċipant. Hemm regolamenti ċari li jgħidu li l-ebda promozzjoni ma’ tista’ ssir minn meta jitħabbru l-ismijiet tal-kwartifinalisti. Dan nagħmluh biex nagħtu l-istess spazju b’mod ugwali u fuq kollox biex ħadd ma jieħu vantaġġ b’mod jew ieħor fuq il-parteċipanti l-oħra”.
Waħda mir-regoli hija li posts relatati mal-kanzunetti sottomessi, artisti u l-festival jistgħu jsiru biss mill-PBS u l-parteċipanti jistgħu jxerrdu biss dawk ippubblikati mill-PBS.
We use cookies on our website to give you the most relevant experience by remembering your preferences and repeat visits. By clicking “Accept”, you consent to the use of ALL the cookies.
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
